కాశీబుగ్గ, వెలుగు: ఖిలావరంగల్ కోటను శనివారం హైదరాబాద్లోని మర్రి చెన్నారెడ్డి మానవవనరుల అభివృద్ధి శిక్షణా కేంద్రంలో శిక్షణ పొందుతున్న వివిధ ప్రభుత్వ సంస్థలతో పాటు మీడియాలో పని చేస్తున్న 26మంది వియత్నాం దేశస్తులు కోటాను సందర్శించారు.
ఈ సందర్భంగా పీఆర్ఓ ఆయూబ్, పర్యాటక గైడ్ ఆధ్వర్యంలో కాకతీయుల రాజులు పరిపాలించిన కాలం నాటి ఖిలావరంగల్లోని మధ్య కోటలోని శిల్పాలను చూశారు. కీర్తి తోరణాలు, శిల్పాల అవరణంతో పాగు గుండు చెరువు, ఖుష్మ హాల్, సింగారపు బావి, రాతి, మట్టి కోట తదితర కట్టడాల చరిత్రను వివరించారు. ఈ కార్యక్రమంలో డాక్టర్ ఎంసీబీహెచ్ ఆర్డి పాకల్టీ డాక్టర్ కె.సురేశ్ కుమార్, శ్రీనివాస్, కుమార్ స్వామి, సిఐ మల్లయ్య, ఎస్ఐ గోవర్ధన్ తదితరులు ఉన్నారు.
