ఉమ్మడి ఆదిలాబాద్ జిల్లాలో పెద్దపులి సంచారం కలకలం రేపింది. శనివారం ( నవంబర్ 16, 2024 ) జిల్లాలోని నిర్మల్ లో పెద్దపులి సంమాచారం ఆ ప్రాంతవాసులకు కంటి మీద కనుకు లేకుండా చేస్తే.. ఇవాళ ( నవంబర్ 17, 2024 ) మంచిర్యాల జిల్లాలో పులి సంచారం మరోసారి కలకలం రేపింది. మంచిర్యాల జిల్లా మందమర్రి మండలం శంకర్ పల్లి శివారులోని కేకే-5 గని సమీపంలో పెద్దపులి సంచరించడం కలకలం రేపింది.
కేకే-5 గని సమీపంలో పంప్ దగ్గర మహారాష్ట్ర నుంచి పత్తి ఏరడానికి వచ్చిన వలస కూలీలు ఏర్పాటు చేసుకున్న గుడారాల దగ్గర పెద్దపులి కనిపించింది. దారి వెంట వెళ్తున్న పెద్దపులిని చూసి వలస కూలీలు ఒక్కసారిగా కేకలు వేశారు. శంకర్ పల్లి నుంచి చతలాపూర్ అటవీ ప్రాంతంలోకి వెళ్లినట్లు కూలీలు చెప్తున్నారు.చతలాపూర్ అటవీ ప్రాంతంలో పులి సంచారం ఉన్నట్లు అధికారులు సైతం గుర్తించారు.
