చిట్యాల, వెలుగు : సీఎంఆర్ ను మిల్లర్లు వాడుకుంటే వ్యక్తిగత ఆస్తులు సీజ్చేస్తామని విజిలెన్స్ అండ్ ఎన్ఫోర్స్మెంట్ టీం అధికారి అంజయ్య హెచ్చరించారు. చిట్యాల మండలం వట్టిమర్తిలో శ్రీజ కార్పొరేషన్ మిల్లులో 460 క్వింటాళ్లు, వనిపాకలలోని జై హనుమాన్ రైస్ మిల్లులో 16 క్వింటాళ్ల రేషన్ బియ్యాన్ని మంగళవారం విజిలెన్స్ అండ్ ఎన్ఫోర్స్మెంట్అధికారులు పట్టుకున్నారు. పట్టుబడిన బియ్యాన్ని స్వాధీనం చేసుకుని నల్గొండలోని నిల్వ కేంద్రానికి తరలించారు.
ఈ సందర్భంగా ఆయన మాట్లాడుతూ రేషన్ బియ్యం కొనుగోలు చేసినా.. అమ్మినా చట్టప్రకారం చర్యలు తప్పవన్నారు. గడువులోపు సీఎంఆర్ రైస్ ప్రభుత్వానికి ఇవ్వకుంటే రైస్ మిల్లర్లపై క్రిమినల్ కేసులు నమోదు చేయడంతోపాటు ఆస్తులు జప్తు చేస్తామని హెచ్చరించారు.
