- రూ.7 వేల కోట్లు పక్కదారి పట్టినట్టు అనుమానం
- గ్రామాల వారీగా అక్రమాలు నిగ్గుతేల్చాలని సీఎం ఆదేశం
- ఫీల్డ్లోకి దిగిన విజిలెన్స్ డిపార్ట్మెంట్
హైదరాబాద్, వెలుగు: మిషన్భగీరథలో అక్రమాలను నిగ్గుతేల్చడంపై రాష్ట్ర ప్రభుత్వం ఫోకస్ పెట్టింది. ఇంట్రా పైప్లైన్ నెట్వర్క్పేరుతో భారీ ఎత్తున ప్రజాధనం దోపిడీ చేసినట్టుగా కాంగ్రెస్ ప్రభుత్వం అనుమానిస్తున్నది. రూ.7 వేల కోట్ల వరకు కాంట్రాక్టర్లు, గులాబీ లీడర్లు మింగేసినట్టు గుర్తించినట్లుగా సమాచారం. భగీరథ సెకండరీ, ఇంట్రా పైప్లైన్ నెట్వర్క్సహా ఇతర పనుల్లో అసలు ఏం జరిగిందో నిగ్గు తేల్చాలని విజిలెన్స్ అండ్ఎన్ఫోర్స్మెంట్అధికారులను సీఎం రేవంత్రెడ్డి ఆదేశించినట్టు తెలిసింది.
సీఎం ఆదేశాలతో విజిలెన్స్అధికారులు ఫీల్డ్లోకి దిగారని సమాచారం. రాష్ట్రంలోని ఒక్కో మండలంలోని ఒక్కో గ్రామాన్ని ఎంపిక చేసి మిషన్ భగీరథలో అసలేం జరిగిందో తేల్చాలని సీఎం ఆదేశించినట్టుగా ప్రభుత్వ వర్గాలు చెప్తున్నాయి. కొన్ని గ్రామాల్లో ఆర్డబ్ల్యూఎస్లో భాగంగా వేసిన పైపులైన్లను మాత్రమే భగీరథ నీటి సరఫరాకు వాడుతున్నా కొత్తగా పైప్లైన్లు వేశామని ఎంబీలు రికార్డు చేశారు. కొత్తగా నల్లాలు బిగించామని, పైపులైన్లు వేశామని చెప్తూ భారీ ఎత్తున ప్రజాధనం మింగేశారు. అసలు పైపులు, ట్యాప్లు, ఇతర సామాన్లు కొనుగోలు చేయకుండానే కొన్నట్టుగా నకిలీ బిల్లులు సృష్టించి ఒక్కో ఊరిలో లక్షలాది రూపాయలు నేతలు, కాంట్రాక్టర్లు జేబులో వేసుకున్నట్టుగా అనుమానిస్తున్నారు. కొన్ని చోట్ల మెటీరియల్కొనుగోలు చేసినా వాటిని ఉపయోగించలేదని తెలుస్తున్నది. ఈ మొత్తం వ్యవహారంపై విజిలెన్స్అధికారులు విచారణ షురూ చేసినట్టు తెలుస్తున్నది.
మిషన్భగీరథ ప్రాజెక్టును రూ.43,791 కోట్లతో చేపట్టగా రూ.31 వేల కోట్లు ఖర్చు చేశారు. ట్రంక్, సెకండరీ పైపులైన్ల పేరుతో సుమారు లక్ష కి.మీ.ల పొడవైన పైప్ లైన్లు వేశారు. అప్పటికే ఆర్డబ్ల్యూఎస్లో ఉన్న 45 వేల కి.మీ.ల పొడవైన పైప్లైన్ను అడాప్ట్చేసుకున్నారు. సెకండరీ, ఇంట్రా పైప్లైన్ల పేరుతో అక్రమాలు చేసినట్టు ప్రభుత్వం అనుమానిస్తున్నది. ఓవర్ హెడ్ బ్యాలెన్సింగ్ రిజర్వాయర్ల నుంచి గ్రామాల్లోని ఓవర్ హెడ్ ట్యాంకులకు సెకండరీ పైపులైన్ల ద్వారా నీటిని తరలిస్తారు. ఓవర్హెడ్ట్యాంకుల నుంచి ఇంట్రా పైప్లైన్ వర్క్కు నీటిని సప్లయ్చేస్తారు. ఈ రెండు పనులతో పాటు వీటికి సంబంధించిన సామాన్ల కొనుగోళ్లలో అక్రమాలు జరిగినట్టు సందేహిస్తున్నారు.
ఈ స్కీంలో భాగంగా ఖర్చు చేసిన రూ.31 వేల కోట్లలో రూ.6 వేల కోట్ల నుంచి రూ.7 వేల కోట్ల వరకు పక్కదారి పట్టినట్టు అనుమానిస్తున్నారు. కేసీఆర్ ప్రభుత్వంలో కొత్తగా నిర్మించిన డబుల్బెడ్రూం కాలనీలు, ఎస్సీ, ఎస్టీ హ్యాబిటేషన్లకు కొత్తగా పైపులైన్లు వేసినట్టుగా రికార్డుల్లో చూపించారు. ఎస్సీ, ఎస్టీ హ్యాబిటేషన్లలో కొన్ని ఇంట్రా పైపులైన్లు వేసినా వాటిని వినియోగించడం లేదని, పాత ఆర్డబ్ల్యూఎస్పైపులైన్లకే నీటిని సరఫరా చేస్తున్నారని ఫీల్డ్విజిట్లో తేలినట్టుగా సమాచారం. భగీరథ పేరుతో కొన్ని చోట్ల నల్లాలు ఏర్పాటు చేసినా వాటికి చుక్క నీటిని సరఫరా చేయడం లేదు. గ్రామాలకు బల్క్గా సరఫరా చేస్తున్న నీళ్లను పాత పంపులకే సప్లయ్ చేస్తున్నారు. దీంతో కొత్త ఇంట్రా పైపులైన్లతో పాటు నల్లాలు కూడా వృథాగా మారాయి. ఇలా వృథాగా మారిన వ్యయంతో పాటు ఎక్కడెక్కడ ఎలా నిధుల దోపిడీ జరిగిందో విజిలెన్స్ తేల్చనుంది.
ALSO READ: నల్గొండ ఎంపీ సీట్లపై వారసుల గురి!
