జీహెచ్ఎంసీ ఆఫీసర్లకు విజిలెన్స్ టెన్షన్

• ఏఎంఓహెచ్​లపై కొనసాగుతున్న ఎంక్వైరీ
• త్వరలో పలువురిపై వేటు?

హైదరాబాద్, వెలుగు: జీహెచ్ఎంసీ మెడికల్​ ఆఫీసర్లకు విజిలెన్స్ భయం పట్టుకుంది. కొందరు ఏఎంఓహెచ్(అసిస్టెంట్ మెడికల్ ఆఫీసర్​ ఆఫ్​ హెల్త్)లు కొన్నేండ్లుగా అవినీతికి పాల్పడుతున్నట్లు ఆరోపణలు, ఫిర్యాదులు అందడంతో విజిలెన్స్​ అండ్​ఎన్​ఫోర్స్​మెంట్​ఆఫీసర్లు రంగంలోకి దిగారు. ఏఎంఓహెచ్​లకు సంబంధించిన వివరాలు సేకరిస్తున్నారు. ఇటీవలే చార్మినార్ జోనల్ ఆఫీసులోని రికార్డులు తనిఖీ చేశారు. బల్దియా హెడ్డాఫీసు నుంచి కొంత మంది డేటా తీసుకున్నారు. పలువురు మెడికల్ ఆఫీసర్లు ఎస్ఎఫ్ఏ(శానిటరీ ఫీల్డ్​అసిస్టెంట్)ల నుంచి మామూళ్లు తీసుకుంటున్న ఫొటోలు సేకరించినట్లు తెలిసింది. ప్రధానంగా బర్త్ అండ్ డెత్ సర్టిఫికెట్స్ ఇష్యూ చేసేందుకు ఒకరిద్దరు మెడికల్ ఆఫీసర్లు భారీగా అవినీతికి పాల్పడినట్లు సమాచారం. ఓ మహిళా మెడికల్ ఆఫీసర్ పైసలు తీసుకుని ఒకే వ్యక్తికి 4 డెత్ సర్టిఫికెట్లు ఇచ్చారని తెలిసింది. 15 – 20 రోజుల్లో మరింత సమాచారం సేకరించి కరెప్టెడ్ ఆఫీసర్లపై చర్యలు తీసుకోనున్నారు. ఎంక్వైరీ ఫేస్​చేస్తున్న వారిలో ఆరుగురు ప్రస్తుతం బల్దియాలో పని చేస్తుండగా, మిగిలినవారు తిరిగి డైరెక్టర్ ఆఫ్ హెల్త్ డిపార్ట్​మెంట్​కి వెళ్లిపోయినట్లు తెలిసింది. 
డిప్యూటేషన్​పై వచ్చి..
జీహెచ్ఎంసీలో పనిచేసే మెడికల్ ఆఫీసర్లు డైరెక్టర్ ఆఫ్ హెల్త్ నుంచి డిప్యూటేషన్​పై వస్తున్నారు. ఒక్కసారి బల్దియాకు వచ్చిన ఆఫీసర్ ​తిరిగి వెళ్లేందుకు ఇంట్రెస్ట్​ చూపించట్లేదు. రూల్ ప్రకారం 
డిప్యూటేషన్​పై వచ్చినవారు మూడేళ్లు పనిచేయాల్సి ఉంటుంది. అవసరమైతే మరో రెండేళ్లు పనిచేసి తిరిగి పేరెంట్ డిపార్ట్​మెంట్​కు వెళ్లిపోవాలి. కానీ ఆఫీసర్లు తమకు ఆ రూల్​ వర్తించదన్నట్లు వ్యవహరిస్తున్నారు. అక్రమ సంపాదనకు ఎక్కువ చాన్స్​ఉండడంతోనే వెళ్లడం లేదని విజిలెన్స్ అండ్ ఎన్​ఫోర్స్ మెంట్ విచారణలో తెలుస్తోంది. ఏ పనిచేయాలన్నా మెడికల్ ఆఫీసర్లు పైసలు డిమాండ్ చేస్తున్నారన్న ఆరోపణలు ఎక్కువగా వినిపిస్తున్నాయి. కింది స్థాయి ఉద్యోగుల నుంచి కూడా డబ్బులు డిమాండ్  చేస్తున్నట్లు పలువురు నేరుగా కమిషనర్​కే ఫిర్యాదు చేశారు. జీహెచ్ఎంసీ పరి
ధిలో 30 సర్కిల్స్ ఉండగా ప్రస్తుతం మెడికల్ ఆఫీసర్లు 23 మంది మాత్రమే ఉన్నారు. ఐదేళ్లకు మించి పనిచేస్తున్న ఆఫీసర్లపైనే విజిలెన్స్ అండ్ ఎన్​ఫోర్స్​ మెంట్ ఫోకస్ ​పెట్టినట్లు తెలుస్తోంది.
వీళ్లు మాకొద్దు
కొంతమంది మెడికల్ ఆఫీసర్లపై పెద్ద ఎత్తున అవినీతి ఆరోపణలు వస్తుండటంతో ‘ఈ ఆఫీసర్ మాకొద్దంటూ’ పలువురు జోనల్ కమిషనర్లు ఏకంగా ఓ అడిషనల్ కమిషనర్​ని వేడుకుంటున్నట్లు సమాచారం. వారితో తమకు కూడా చెడ్డపేరు వచ్చే అవకాశం ఉందని, వేరే చోటికి ట్రాన్స్ ఫర్ చేయాలని కోరుతున్నట్లు తెలిసింది. బల్దియాలోని మెడికల్ ఆఫీసర్లపై అదే డిపార్టమెంట్ ఉన్నతాధికారులు కంప్లయింట్స్​ చేస్తున్నారంటే ఏఎంఓహెచ్​ల పనితీరు ఎలాఉందో అర్థం చేసుకోవచ్చు. విజిలెన్స్ ​ఆఫీసర్లు పూర్తిస్థాయిలో విచారణ జరిపి అవినీతికి పాల్పడిన వారిపై చర్యలు తీసుకోవాలని కింది స్థాయి ఉద్యోగులు కోరుతున్నారు.