ఆసక్తి రేపుతున్న ‘హత్య’ ఫస్ట్ లుక్ పోస్టర్

డాక్టర్ సలీమ్, బిచ్చగాడు, బేతాళుడు వంటి విభిన్న చిత్రాలతో ఆకట్టుకున్న తమిళ హీరో విజయ్ ఆంటోనీ తన కొత్త సినిమా ‘హత్య’తో తెలుగు ప్రేక్షకుల ముందుకు రాబోతున్నాడు. ఇన్వెస్టిగేటివ్ థ్రిల్లర్ మూవీగా రూపొందుతున్న ఈ సినిమాలో డిటెక్టివ్ పాత్రలో ఆయన నటిస్తుండగా.. హీరోయిన్ రితికా సింగ్ సంధ్య అనే పాత్రలో పోలీస్ ఆఫీసర్‎గా కనిపించనుంది. లోటస్ పిక్చర్స్‎తో కలిసి ఇన్ఫినిటీ ఫిలిం వెంచర్స్ సంస్థ నిర్మిస్తున్న ఈ చిత్రానికి బాలాజీ కుమార్ దర్శకత్వం వహిస్తున్నారు. ఈ చిత్ర ఫస్ట్ లుక్ పోస్టర్‎ను బుధవారం చిత్రబృందం విడుదల చేసింది.

ఓ హత్య కేసు ఇన్వెస్టిగేషన్ కోసం కథానాయకుడు రంగంలోకి దిగినట్లు పోస్టర్ ద్వారా తెలుస్తోంది. పోస్టర్‎లో మురళీ శర్మ, రాధికా శరత్ కుమార్ లాంటి పాత్రలను రివీల్ చేశారు. వీళ్లను అనుమానితులుగా హీరో భావిస్తున్నట్లు తెలుస్తోంది. హ్యాట్, కోటుతో డిటెక్టివ్ లుక్‎లో కనిపిస్తున్న విజయ్ ఆంటోనీకి కెరీర్‎లో ఇదొక డిఫరెంట్ ఫిలిం అవుతుందని అనుకోవచ్చు. ‘1923లో ప్రపంచాన్ని దిగ్భ్రాంతికి గురిచేసిన డోరతీ కింగ్ మర్డర్ ఘటన నేపథ్యంగా ఈ సినిమా సాగనుంది.
ఇన్ఫినిటీ ఫిల్మ్ వెంచర్స్ గతంలో విజయ్ ఆంటోనీతో కలిసి ‘విజయ్ రాఘవన్’ అనే చిత్రాన్ని నిర్మించింది. ప్రస్తుతం ఈ కాంబోలో ‘హత్య’ సినిమా నిర్మితమవుతుండగా.. త్వరలో మరో రెండు ప్రాజెక్ట్‎లు కలిసి చేయనున్నట్లు నిర్మాణ సంస్థ తెలిపింది. గిరీష్ గోపాలకృష్ణన్ సంగీతమందిస్తున్న ఈ చిత్రానికి శివకుమార్ విజయన్ సినిమాటోగ్రఫీ అందిస్తున్నారు.