బిచ్చగాడు(Bichhagadu) సినిమాతో తెలుగులో కూడా మంచి ఫాలోయింగ్ ను సంపాదించుకున్నాడు తమిళ హీరో విజయ్ ఆంటోనీ(Vijay Antony). మదర్ సెంటిమెంట్ తో వచ్చిన ఈ సినిమా తెలుగులో బ్లాక్ బస్టర్ గా నిలిచింది. ఇక అప్పటినుండి విజయ్ ఆంటోనీ సినిమాలకు తెలుగులో కూడా మంచి మార్కెట్ ఏర్పడింది. అందుకే ఆయన ప్రతీ సినిమాను తెలుగులో విడుదల చేస్తున్నారు మేకర్స్. అలా తెలుగులో వచ్చిన విజయ్ ఆంటోనీ లేటెస్ట్ మూవీ లవ్ గురు.
ఫ్యామిలీ అండ్ రొమాంటిక్ ఎంటర్టైనర్ గా వచ్చిన ఈ సినిమా ఏప్రిల్ 11న తెలుగు ప్రేక్షకుల ముందుకు వచ్చింది. కానీ, ప్రేక్షకులను అంతగా మెప్పించలేకపోయింది ఈ మూవీ. ఇక థియేటర్స్ కి ఆడియన్స్ ను రప్పించడం కోసం టికెట్ ఫ్రీజ్ తగ్గించడం, కాంటెస్ట్ రన్ చేయడం లాంటివి చేశారు. అయినప్పటికీ ఈ సినిమాను చూసేందుకు పెద్దగా ఇంట్రెస్ట్ చూపించలేదు ఆడియన్స్. దాంతో లవ్ గురు సినిమాను ఓటీటీలో విడుదల చేశారు మేకర్స్. ఇప్పటికే ఈ సినిమా తమిళ వెర్షన్ అందుబాటులో ఉండగా.. తాజాగా తెలుగు వెర్షన్ ను రిలీజ్ చేశారు మేకర్స్. ప్రముఖ ఓటీటీ సంస్థ అమెజాన్ ప్రైమ్ వీడియోస్ ఈ సినిమాను స్ట్రీమ్ చేస్తోంది. మరి థియేటర్స్ లో ప్లాప్ గా నిలిచినా లవ్ గురు సినిమాకు ఓటీటీలో ఎలాంటి స్పందన వస్తుందో చూడాలి.
