హైదరాబాద్, వెలుగు: ఈఎన్సీ (ఓ అండ్ఎం)గా విజయ్ భాస్కర్ రెడ్డిని ప్రభుత్వం నియమించింది. ప్రస్తుతం నాగర్కర్నూల్ ఇన్చార్జి సీఈగా పనిచేస్తున్న ఆయనకు ఈఎన్సీగా అదనపు బాధ్యతలు అప్పగించింది. ఈ మేరకు బుధవారం ఇరిగేషన్ శాఖ సెక్రటరీ రాహుల్బొజ్జా ఉత్తర్వులు జారీ చేశారు. మాజీ ఈఎన్సీ నాగేందర్ రావు స్థానంలో విజయ్ భాస్కర్ రెడ్డి కొనసాగుతారు. వాస్తవానికి ఆగస్టులోనే నాగేందర్రావు రిటైర్అవ్వగా.. ఆయనకు మూడు నెలల పాటు సర్కారు ఎక్స్టెన్షన్ ఇచ్చింది. నవంబర్ 30తో ఎక్స్టెన్షన్ గడువు ముగిసింది. ఈ సారి ఎక్స్టెన్షన్ ఇవ్వకుండా విజయ్భాస్కర్ రెడ్డిని నియమించింది.
