జాతకాలు అనేవి ఎంత నిజమో నాకు తెలియదు. కానీ ‘పెళ్లి చూపులు’ సినిమా చేసినప్పుడు నేను, ప్రియదర్శి ఈ స్థాయికి వస్తామని ఊహించలేదు. విధి మమ్మల్ని ఇక్కడికి తీసుకు వచ్చింది. ప్రియదర్శిని లీడ్‌ రోల్‌‌లో చూడటం హ్యాపీగా ఉంది’ అన్నాడు విజయ్ దేవరకొండ. ప్రియదర్శి హీరోగా ఇంద్రగంటి మోహనకృష్ణ దర్శకత్వంలో శివలెంక కృష్ణప్రసాద్ నిర్మించిన ‘సారంగపాణి జాతకం’ టీజర్‌‌‌‌ను విజయ్ లాంచ్ చేసి, సినిమా గ్రాండ్ సక్సెస్ అవ్వాలని విష్ చేశాడు.
జీవితం మొత్తం మన చేతిలోనే రాసుంటుంది’ అని జాతకాలను గుడ్డిగా నమ్మే సారంగపాణి జీవితంలో.. ఆ అతి నమ్మకం వల్ల ఎలాంటి మార్పులు వచ్చాయి అనేది టీజర్‌‌‌‌లో ఆసక్తికరంగా చూపించారు. రూప కొడువయూర్ హీరోయిన్‌‌గా నటిస్తున్న ఈ చిత్రంలో నరేష్, తనికెళ్ళ భరణి, వెన్నెల కిషోర్, శ్రీనివాస్ అవసరాల, హర్ష చెముడు ఇతర పాత్రలు పోషించారు. డిసెంబర్ 20న సినిమా విడుదల కానుంది.
