‘‘నా పేరుతో సోషల్ మీడియాలో అనేక రకాల రూమర్లు వస్తున్నాయి. ఎఫ్ఐఆర్ లో రాసిన ప్రతి వాక్యం తప్పే. నా వాదన చాలా స్పష్టంగా చెప్పాను. నేను చెప్పని మాటలు కూడా చెప్పినట్టు ఎఫ్ఐఆర్ లో రాశారు. నేను ఈ మధ్యనే విదేశాలు వెళ్లి వచ్చా. దానికి సంబంధించిన రుజువులను కూడా చూపించా. ఇండియా లో నేను ఎలాంటి ఇల్లీగల్ పదార్థాలు సేవించలేదు” అని విజయ్ మద్దూరి ఆదివారం రాత్రి ఓ వీడియో ప్రకటనలో పేర్కొన్నారు.
తన మిత్రుడు రాజ్ పాకాల ఆహ్వానం మేరకు కుటుంబంతో ఫ్యామిలీ ఫంక్షన్ కు హాజరయ్యానని చెప్పారు. ‘‘ఆ ఫంక్షన్లో చిన్న పిల్లలతో సహా మహిళలు, వృద్ధులు కూడా ఉన్నారు. అక్కడ ఎలాంటి అసాంఘిక కార్యకలాపాలు జరగలేదు. పోలీసులు చేస్తున్న ఆరోపణలతో తీవ్రంగా ఆవేదనకు గురవుతున్నాం. ఇది చాలా తప్పు. ఇది నా కుటుంబంతోపాటు నా స్నేహితులకు ఫ్యామిలీస్కు, రిలేటివ్స్కు తీవ్ర ఆవేదన కలిగిస్తున్నది” అని ఆ వీడియోలో ఆయన పేర్కొన్నారు.
