నితిలన్ స్వామినాథన్ (Nithilan Swaminathan) దర్శకత్వంలో విజయ్ సేతుపతి (Vijay Sethupathi) నటించిన ' మహారాజా ' (Maharaja) మూవీ 2024 జూన్ 14న ప్రేక్షకుల ముందుకు వచ్చి భారీ విజయాన్ని అందుకుంది. ఇప్పుడు చైనాలో మహారాజా మూవీ విడుదలకు సిద్ధంగా ఉంది.
బాక్సాఫీస్ వద్ద 100 రోజులు పూర్తి చేసుకున్న ఈ బ్లాక్ బస్టర్ మూవీ నవంబర్ 29, 2024న చైనాలో ప్రేక్షకుల ముందుకు రానుందని డైరెక్టర్ నితిలన్ స్వామినాథన్ పోస్ట్ చేశాడు. ఈ లేటెస్ట్ అప్డేట్ తో విజయ్ సేతుపతి మరో మెట్టు ఎక్కాడు.
ALSO READ : ముదిరిన అమరన్ సినిమా వివాదం.. తమిళనాడులో థియేటర్‌పై పెట్రోల్ బాంబు: ఎందుకంటే?
ప్యాషన్ స్టూడియోస్ నిర్మించిన ఈ మూవీలో అనురాగ్ కశ్యప్, మమతా మోహన్‌దాస్ మరియు నట్టి నటరాజ్ ముఖ్యమైన పాత్రలలో నటించి మెప్పించారు. అజనీష్ లోక్‌నాథ్ సంగీతం అందించారు. కాగా విజయ్ సేతుపతి నటించిన 50వ మూవీ మహారాజా కావడం విశేషం.
Maharaja will be released in China on 29 November by @AlibabaGroup #Maharaja#VJS50@VijaySethuOffl @PassionStudios_ @TheRoute pic.twitter.com/LZawPK9zy3
— Nithilan Saminathan (@Dir_Nithilan) November 15, 2024
రూ.20 కోట్ల రూపాయల బడ్జెట్‌తో తెరకెక్కిన ఈ మహారాజా మూవీ నిర్మాతలకు భారీగా లాభాలను తెచ్చిపెట్టింది. కేవలం తెలుగులోనే 20కోట్లకుపైగా కలెక్షన్లు రాబట్టింది. మహారాజ సినిమాను ప్యాషన్ స్టూడియోస్, ది రూట్ థింక్ పతాకాలపై సుధాన్ సుందరం,జగదీశ్ పళనిస్వామి కలిసి నిర్మించారు.
కాగా డైరెక్టర్ నిథిలన్‌ స్వామినాథన్ మేకింగ్‌, రైటింగ్‌ స్టైల్‌ను సినీ ఆడియన్స్ కు బాగా నచ్చాయి. ఈ సినిమా విడుదలయ్యాక తనను ఎంతోమంది ప్రశంసించారు కూడా. కథ పాతదే అయినా దాన్ని ప్రెజెంట్ చేసిన విధానం, విజయ్ సేతుపతి నటన వెరసీ సినిమాను నెక్స్ట్ లెవల్లో నిలబెట్టాయి. దాంతో బాక్సాఫీస్ దగ్గర సూపర్ కలెక్షన్స్ రాబట్టింది. ప్రస్తుతం ప్రముఖ ఓటీటీ నెట్‍ఫ్లిక్స్(Netflix)లోనూ మహారాజ మూవీ దూసుకెళ్తోంది.
