కోలీవుడ్ స్టార్ హీరో విజయ్ తలపతి(Vijay thalapathy), స్టార్ డైరెక్టర్ లోకేష్ కనగరాజ్(Lokesh kanagaraj) కాంబోలో వచ్చిన లేటెస్ట్ మూవీ లియో(Leo). పాన్ ఇండియా లెవల్లో తెరకెక్కిన ఈ సినిమాలో త్రిష కృష్ణన్(Trisha krishnan) హీరోయిన్‌గా నటించారు. విక్రమ్ వంటి బ్లాక్ బస్టర్ తరువాత లోకేష్ నుండి వస్తున్న సినిమా కావడంతో లియో పై భారీ అంచనాలు ఏర్పడ్డాయి. కేవలం విజయ్ ఫ్యాన్స్ కాదు ఇండియా వైడ్ గా ఉన్న సినీ లవర్స్ కూడా ఈ సినిమా కోసం ఈగర్ గా వెయిట్ చేశారు. వారు ఎదురుచూపులకు ఎండ్ కార్డు వేస్తూ అక్టోబర్ 19న ప్రేక్షకుల ముందుకు వచ్చింది ఈ సినిమా.
ఆడియన్స్ నుండి కూడా పాజిటీవ్ టాక్ ను సొంతం చేసుకుంది ఈ సినిమా. దీంతో చాలా చోట్ల రికార్డ్ కలెక్షన్స్ రాబట్టింది లియో మూవీ. ఏ సినిమాకు వరల్డ్ వైడ్‌గా రూ. 215 కోట్ల భారీ ప్రీ రిలీజ్ బిజినెస్ జరిగింది. ఇక ప్రపంచవ్యాప్తంగా 2800కుపైగా థియేటర్లలో విడుదలైన ఈ సినిమా మొదటిరోజు కలెక్షన్ల మోతమోగించింది.
- ALASO READ | Tiger Nageswara Rao X Review: టైగర్‌ నాగేశ్వరరావు గా రవితేజ విశ్వరూపం.. మరి రిజల్ట్ ఏంటి?
తొలిరోజు బుకింగ్స్ బట్టి చూస్తే.. తెలుగు రాష్ట్రాల్లో లియో సినిమాకు తొలి రోజున రూ.17 కోట్ల గ్రాస్ కలెక్షన్స్ వచ్చినట్లు సమాచారం. తమిళనాడులో రూ.32 కోట్లు, కేరళలో రూ.12.50 కోట్లు, కర్ణాటకలో రూ.14.50 కోట్లు, ఓవర్ సీస్ కలిపి రూ. 4 కోట్ల గ్రాస్ కలెక్షన్స్ రాబట్టినట్టు ట్రేడ్ అనలిస్టుల అంచనా. ఇక లియో మొదటిరోజు వరల్డ్ వైడ్‌గా రూ.145 కోట్ల భారీ కలెక్షన్స్ రాబట్టినట్లు సమాచారం. సినిమాకు పాజిటీవ్ టాక్ రావడం, రానున్న రోజులు పండుగ సెలవులు కావడంతో ఈ కలెక్షన్స్ మరింత పెరిగే అవకాశం ఉంది. మరో రెండు రోజుల్లో బ్రేక్ ఈవెన్ సాధించి నిర్మాతలకు లాభాలు తెచ్చుపెట్టనుంది ఈ సినిమా. ఇక విజయ్ ఈ రేంజ్ సక్సెస్ సాదించడంతో అయన ఫ్యాన్స్ ఫుల్ ఖుషీ అవుతున్నారు.
