యాదాద్రి, వెలుగు: కేంద్రం అమలు చేస్తున్న స్కీమ్స్‌‌పై చేపట్టిన వికసిత భారత్ సంకల్ప యాత్ర శనివారం యాదాద్రి జిల్లాలోని ముత్తిరెడ్డి గూడెంలో ప్రారంభమైంది. ఈ యాత్రను ప్రధాని నరేంద్రమోదీ వర్చువల్ పద్ధతిలో ప్రారంభించి మాట్లాడారు. దేశ వ్యాప్తంగా ఎలక్ట్రిక్ బస్సులు, మెట్రో సర్వీసులు, ఉజ్వల గ్యాస్ కనెక్షన్లు, ఉపాధి హామీ వంటి స్కీమ్స్తో పాటు వన్ నేషన్- వన్ రేషన్ కార్డు, ఆయుష్మాన్ భవ కార్డుల గురించి వివరించారు.
తొమ్మిదేండ్లలో 4 కోట్ల ఇండ్లను నిర్మించి పేదలకు ఇచ్చామని వెల్లడించారు. 12 డిపార్ట్మెంట్ల ద్వారా కేంద్రం అమలు చేసిన స్కీమ్స్ గురించి ఎల్ఈడీ స్క్రీన్ అమర్చిన మోదీ గ్యారంటీ వెహికల్నుంచి ప్రదర్శించారు. అనంతరం మహిళలకు బుక్లెట్లు, కరపత్రాలు అందించారు. నోడల్ ఆఫీసర్ శ్రీ రామకృష్ణ ఆధ్వర్యంలో జరిగిన ఈ కార్యక్రమంలో బీజేపీ జిల్లా అధ్యక్షుడు పీవీ శ్యాంసుందర్రావు, కాసం వెంకటేశ్వర్లు, దాసరి మల్లేశం, వేముల అశోక్, పడాల శ్రీనివాస్, పిట్టల అశోక్, చందా మహేందర్ గుప్తా పాల్గొన్నారు.
