నరేష్ అగస్త్య, మేఘా ఆకాష్ జంటగా ప్రదీప్ మద్దాలి దర్శకత్వంలో రామ్ తాళ్లూరి నిర్మించిన వెబ్ సిరీస్ ‘వికటకవి’. ఈ నెల 28 నుంచి జీ 5 ఓటీటీలో ఇది స్ట్రీమింగ్ కానుంది. ఈ క్రమంలో సోమవారం ప్రెస్‌‌మీట్ నిర్వహించారు. నరేష్ అగస్త్య మాట్లాడుతూ ‘గతంలో జీ తెలుగులో ‘పసుపు కుంకుమ’ అనే సీరియల్‌‌లో నటించిన నేను, అదే సంస్థలో స్ట్రీమ్ అవుతున్న వెబ్ సిరీస్‌‌లో లీడ్ రోల్ చేయడం ఆనందంగా ఉంది. సిరీస్ చాలా అద్భుతంగా వచ్చింది’ అని చెప్పాడు.
ఇంత మంచి పాత్రను ఇచ్చిన దర్శకనిర్మాతలకు థ్యాంక్స్ అని చెప్పింది మేఘా ఆకాష్. నిర్మాత రామ్ తాళ్లూరి మాట్లాడుతూ ‘రెండేళ్ల క్రితం సాయితేజ్ ఈ కథ చెప్పగా ఫీచర్ ఫిల్మ్ చేద్దామనుకున్నాం. కానీ జీ5 వల్ల ఇది వెబ్ సిరీస్‌‌లా మారింది. కంటెంట్ చూసి నాకు చాలా గర్వంగా అనిపిస్తోంది. దర్శకుడు ప్రదీప్‌‌కు చాలా మంచి పేరు వస్తుంది’ అని చెప్పారు. దర్శకుడు ప్రదీప్ మద్దాలి మాట్లాడుతూ ‘ఇది చాలా పెద్ద స్పాన్ ఉన్న కంటెంట్.
అద్భుతమైన టీం సెట్ అయింది. నరేష్, మేఘ తమ నటనతో ఇంప్రెస్ చేస్తారు’ అని అన్నాడు. దర్శక, రచయిత బీవీఎస్ రవి, జీ5 కంటెంట్ హెడ్ సాయి తేజ్, బిజినెస్ హెడ్ అనురాధ గూడూరు, మ్యూజిక్ డైరెక్టర్ అజయ్ అరసాడ, కెమెరామెన్ షోయబ్ తదితరులు పాల్గొన్నారు.
