నల్గొండ అర్బన్, వెలుగు : మునుగోడు ఉప ఎన్నికఓట్ల లెక్కింపు కోసం ఏర్పాట్లు పక్కాగా చేయాలని జిల్లా ఎన్నికల అధికారి, కలెక్టర్ టి.వినయ్ కృష్ణారెడ్డి అధికారులను ఆదేశించారు. మంగళవారం కలెక్టర్ అడిషనల్ కలెక్టర్ భాస్కర్ రావు , ఆర్డీవో జయ చంద్రారెడ్డితో కలిసి నల్గొండలోని ఆర్జాల బావి రాష్ట్ర గిడ్డంగుల సంస్థలో ఓట్ల లెక్కింపు ఏర్పాటు కు సంబంధించి కౌంటింగ్హాల్, రిసెప్షన్ సెంటర్, స్ట్రాంగ్ రూం, మీడియా సెంటర్ ఏర్పాటు చేసేందుకు గోదాంలను పరిశీలించారు. ఈ సందర్భంగా ఆయన మాట్లాడుతూ కౌంటింగ్ఏజెంట్లు, సిబ్బంది , ఆఫీసర్ల ప్రవేశానికి బారీకేడ్స్, ఈవీఎంలు భద్ర పరచడానికి స్ట్రాంగ్ రూమ్ఏర్పాటు, మీడియా సెంటర్ ఏర్పాట్లపై అధికారులకు ఆదేశాలు జారీ చేశారు. ఎన్నికల సంఘం మార్గదర్శకాల మేరకు గోదాంలలో లీకేజీలు ఉండవద్దని, విద్యుత్ సరఫరా, భద్రతా తదితర ఏర్పాట్లు చేసి కౌంటింగ్ కు అనుగుణంగా రెడీ చేయాలని సూచించారు. ఈ కార్యక్రమంలో డీఎస్పీ నర్సింహారెడ్డి, ఎస్ఈ చంద్ర మోహన్, పౌర సరఫరాల అధికారి వెంకటేశ్వర్లు, డీఎం నాగేశ్వర్ రావు, పంచాయతీ రాజ్ ఈఈ తిరుపతయ్య, డీపీఆర్వో శ్రీనివాస్, సర్వే అండ్ల్యాండ్ రికార్డ్స్ఏడీ శ్రీనివాసులు తదితరులు ఉన్నారు.
కొత్త ఓటర్ల నమోదును పరిశీలించిన ఈసీ
మునుగోడు మండలం కిష్టాపురం గ్రామంలో జాయింట్ ఎలక్షన్ ఆఫీసర్ రవి కిరణ్ మంగళవారం పర్యటించారు. నల్గొండ ఆర్డీవో జయచంద్రారెడ్డి, తహసీల్దార్ కృష్ణా రెడ్డి తో కలిసి గ్రామంలోని పోలింగ్ బూత్లు138,139 లలో ఇంటింటి కి తిరుగుతూ కొత్త ఓటర్ లిస్ట్లో నమోదుకు ఫారం –6 ద్వారా దరఖాస్తు చేసుకున్న ఓటర్లను బూత్ లెవెల్ అధికారులు(బీఎల్వోలు) విచారించిన తీరును పరిశీలించారు. బీఎల్వోలు పక్కాగా విచారణ చేశారని చెప్పడంపై రవికిరణ్ సంతృప్తి వ్యక్తం చేశారు.
