- ఉమ్మడి వరంగల్జిల్లా వ్యాప్తంగా వైభవంగా గణేశ్నిమజ్జనం
ఉమ్మడి వరంగల్జిల్లాలో వైభవంగా వినాయక నిమజ్జనం సాగుతోంది. సోమవారం మధ్యాహ్నం నుంచే మండపాల నుంచి నిర్వాహకులు శోభాయాత్రలు ప్రారంభించారు. కోలాటాలు, భజనలు, బ్యాండ్ చప్పుళ్లతో యువత ఉర్రూతలూగారు. తీన్మార్స్టెప్పులతో ఆకట్టుకున్నారు. రంగులు చల్లుకుంటూ ర్యాలీగా గణపయ్యను చెరువుల వద్దకు తీసుకువచ్చి గంగమ్మ ఒడికి చేర్చారు. ఉమ్మడి జిల్లా వ్యాప్తంగా గణేశ్ విగ్రహాల నిమజ్జనోత్సవం ప్రశాంతంగా సాగింది. కార్యక్రమాల్లో ప్రజాప్రతినిధులు, ఉత్సవ నిర్వాహకులు, యూత్సభ్యులు, భక్తులు తదితరులు పాల్గొన్నారు. అంతకుముందు గణపతి లడ్డూ వేలం పాట నిర్వహించారు. ఎక్కడా ఎలాంటి అవాంతరాలకు చోటు లేకుండా ఉన్నతాధికారులు చర్యలు చేపట్టారు. - వెలుగు, నెట్వర్క్
