‘పెదకాపు’ చిత్రంతో టాలీవుడ్‌‌కి పరిచయమైన విరాట్ కర్ణ హీరోగా, అభిషేక్ నామా దర్శకత్వంలో తెరకెక్కుతోన్న చిత్రం ‘నాగబంధం’. అభిషేక్ పిక్చర్స్, ఎన్‌‌ఐకే స్టూడియోస్ బ్యానర్లపై కిషోర్ అన్నపురెడ్డి నిర్మిస్తున్నారు. ప్రస్తుతం ఈ సినిమా షూటింగ్‌ నానక్‌ రామ్‌ గూడ రామానాయుడు స్టూడియోలో జరుగుతోంది. హీరో విరాట్ కర్ణ, హీరోయిన్స్‌ నభా నటేష్‌, ఐశ్వర్య మీనన్‌‌పై ఓ గ్రాండ్‌ సాంగ్‌‌ని షూట్‌ చేస్తున్నారు.
ఈ సాంగ్‌ కోసం ఓ భారీ సెట్‌‌ని నిర్మించారు. మ్యూజిక్‌ డైరెక్టర్‌ అభే కంపోజ్‌ చేసిన ఈ పాటకు కాసర్ల శ్యామ్ లిరిక్స్ రాయగా, కాలభైరవ, అనురాగ్‌ కులకర్ణి, మంగ్లీ పాడారు. కొరియోగ్రాఫర్‌ గణేశ్‌ ఆచార్య మాస్టర్‌ డ్యాన్స్‌ మూమెంట్స్‌ ఇందులో స్పెషల్‌ ఎట్రాక్షన్‌‌గా ఉంటాయని మేకర్స్ చెప్పారు.
