ఐపీఎల్ లో భాగంగా శనివారం (మే 18) చెన్నై సూపర్ కింగ్స్ పై రాయల్ ఛాలెంజర్స్ బెంగళూరు 27 పరుగుల తేడాతో ఘన విజయం సాధించింది. ఈ విజయంతో ఆర్సీబీ ప్లే ఆఫ్స్ కు అర్హత సాధించింది. మరోవైపు చెన్నై లీగ్ దశలోనే ఇంటి ముఖం పట్టింది. ఈ మ్యాచ్ ముగిసిన తర్వాత చెన్నై ప్లేయర్లు ప్రత్యర్థి బెంగళూరు ఆటగాళ్లకు షేక్ హ్యాండ్ ఇవ్వడానికి క్యూలో నిలబడ్డారు. అయితే అప్పటికే ఆనందంలో మునిగిపోయిన ఆర్సీబీ ప్లేయర్స్ చెన్నై ఆటగాళ్లను పట్టించుకోలేదు. ధోనీ ఈ వరుసలో ముందు ఉండడం విశేషం.
ఎంతసేపటికీ ఆర్సీబీ ప్లేయర్స్ రాకపోయేసరికి ధోనీ అటుగుండా అటు డ్రెసింగ్ రూమ్ వైపు వెళ్ళిపోయాడు. అయితే విరాట్ కోహ్లీ ధోనీని కలవడం కోసం అతని డ్రెస్సింగ్ రూమ్ కు వెళ్ళాడట. మహీ భాయ్ ఎక్కడ అని చెన్నై డ్రెస్సింగ్ రూమ్ కు వెళ్లినట్లు సమాచారం. వీరి మధ్య జరిగిన సంభాషణలో ఆర్సీబీ ప్లేఆఫ్‌కు చేరుకోవడంపై విరాట్ కోహ్లీకి ధోని శుభాకాంక్షలు తెలిపాడట. విరాట్ నువ్వు ఫైనల్ కు చేరాలి. మీ జట్టు టైటిల్ గెలవాలని విరాట్ కు చెప్పాడట. దీంతో ఇరు ఆటగాళ్ల అభిమానులు వీరి మధ్య బంధాన్ని చూసి తెగ సంబరపడిపోతున్నారు.
Also Read:కోల్‌కతా‌తో క్వాలిఫయర్ 1.. సన్ రైజర్స్ జట్టులో కీలక మార్పులు
విరాట్ కోహ్లీతో పాటు, RCB మాజీ బ్యాటర్ క్రిస్ గేల్ కూడా CSK డ్రెస్సింగ్ రూమ్‌కు వెళ్లి ధోనితో పాటు అతని మాజీ వెస్టిండీస్ సహచరుడు డ్వేన్ బ్రావోను కలిశాడు. వీటికి సంబంధించిన చిత్రాలు సోషల్ మీడియాలో వైరల్ అవుతున్నాయి. ప్రస్తుతం ధోనీ సర్జరీ చేయించుకోవడానికి లండన్ బయలుదేరుతున్నట్టు నివేదికలు చెబుతున్నాయి. మరోవైపు కోహ్లీ రాజస్థాన్ తో ఎలిమినేటర్ మ్యాచ్ ఆడేందుకు సిద్ధంగా ఉన్నాడు.
The Fact That Virat Kohli Chased Ms Dhoni To The Dressing Room After The Match When He Left Without Shaking Hands! ❤🤝 pic.twitter.com/twjOTU0ede
— Deep Official (@CrazyForKohli) May 20, 2024
