Cricket World Cup 2023: కోహ్లీని భయపెట్టిన గిల్.. విరాట్ రివెంజ్ అదుర్స్

టీమిండియా స్టార్ బ్యాటర్ విరాట్ కోహ్లీ, నయా సంచలనం శుభమన్ గిల్ మధ్య ప్రత్యేక అనుబంధం ఉంది. గ్రౌండ్ లో సరదాగా జోక్స్ వేసుకుంటూ అభిమానుల దృష్టిని ఆకర్షిస్తారు. గ్రౌండ్ లో దిగితే పరుగుల వరద పారించే వీరిద్దరూ అప్పుడప్పుడు చిన్న పిల్లలుగా మారిపోతారు. వీరి మధ్య ఉండే కెమిస్ట్రీ సోషల్ మీడియాలో బాగా వైరల్ అవుతాయి. తాజాగా అలాంటి సీన్ ఒకటి నెట్టింట్లో చక్కర్లు కొడుతుంది.

నవంబర్ 12 ఆదివారం భారత్, నెదర్లాండ్స్ మధ్య మ్యాచ్ జరిగింది. ఈ మ్యాచ్ కు ముందు భారత ఆటగాళ్లు కోహ్లీ, గిల్ ఫీల్డింగ్ డ్రిల్ల్ లో ప్రాక్టీస్ చేస్తుండగా.. గిల్ వార్మప్ చేసే క్రమంలో తన కాళ్ళను పైకి లేపుతూ ముందుకు వెళ్తున్నాడు. గిల్ ముందు కోహ్లీ ఉండడంతో తనను కొడుతున్నాడేమో అని కోహ్లీ బ్రమపడ్డాడు. ఇంతలో కోహ్లీ తన బ్యాట్ గిల్ వైపు చూపిస్తూ ప్రాక్టీస్ చేసాడు. దీంతో గిల్ బయపడి అక్కడ నుంచి పారిపోయాడు. మొత్తానికి గిల్ కావాలని భయపెడితే కోహ్లీ తనదైన శైలిలో రివెంజ్ తీర్చుకోవడం హైలెట్ గా మారింది.

నెదర్లాండ్స్ పై జరిగిన ఈ మ్యాచ్ లో భారత్ 160 పరుగుల భారీ తేడాతో గెలవగా.. గిల్, కోహ్లీ ఇద్దరూ 51 పరుగులు చేసి అవుట్ కావడం విశేషం. ప్రస్తుతం బెంగళూరు నుంచి భారత్ ముంబై చేరుకుంది. రేపు (నవంబర్ 15) న్యూజీలాండ్ తో వాంఖడే స్టేడియంలో తొలి సెమీ ఫైనల్ మ్యాచ్ ఆడనుంది.