Virat Kohli: 14 వేల క్లబ్‎లో కోహ్లీ.. ప్రపంచంలోనే మూడో బ్యాటర్‎గా రికార్డ్

రికార్డుల రారాజు, టీమిండియా స్టార్ బ్యాటర్ విరాట్ కోహ్లీ మరో అరుదైన ఘనత సాధించాడు. అంతర్జాతీయ వన్డే క్రికెట్‎లో 14 వేల పరుగుల క్లబ్‎లోకి ఎంట్రీ ఇచ్చాడు రన్ మెషిన్. ఛాంపియన్స్ ట్రోఫిలో భాగంగా ఆదివారం (ఫిబ్రవరి 23) పాకిస్థాన్‎తో జరిగిన మ్యాచులో కోహ్లీ ఈ ఘనత సాధించాడు. మొత్తం 287 ఇన్సింగ్స్‎ల్లో 14 వేల పరుగుల మైలురాయిని అందుకున్న కోహ్లీ.. తద్వారా అంతర్జాతీయ వన్డే ఫార్మాట్‎లో అత్యధిక పరుగులు చేసిన మూడో బ్యాటర్‎గా రికార్డ్ క్రియేట్ చేశాడు. కోహ్లీ కంటే ముందు టీమిండియా దిగ్గజ క్రికెటర్ సచిన్ టెండూల్కర్, శ్రీలంక మాజీ స్టార్ ప్లేయర్ సంగక్కర మొదటి రెండు స్థానాల్లో ఉన్నారు.

Also Read : ఆఫ్రిది దెబ్బకు రోహిత్ క్లీన్ బౌల్డ్

అయితే.. వన్డే ఫార్మాట్‎లో అత్యంత వేగంగా 8 వేలు, 9 వేలు, 10 వేలు, 11 వేలు, 12 వేలు, 13 వేలు, 14 వేల పరుగులు పూర్తి చేసిన బ్యాటర్‎గా కోహ్లీ సరికొత్త రికార్డ్ సృష్టించాడు. గత కొంత కాలంగా ఫామ్ లేమితో ఇబ్బంది పడుతోన్న విరాట్ కోహ్లీ పాకిస్థాన్‎తో జరుగుతోన్న మ్యాచులో గాడినపడ్డాడు. దాయాదీ బౌలర్లను ధీటుగా ఎదుర్కొంటున్నాడు. ప్రస్తుతం 37 బంతుల్లో కోహ్లీ 30 పరుగులు చేశాడు. ఇందులో రెండు ఫోర్లు ఉన్నాయి. ఇక ఓవరాల్‎గా 17.1 ఓవర్లలో టీమిండియా 100 పరుగులు చేసింది. ప్రస్తుతం క్రీజులో కోహ్లీ 33, శ్రేయస్ అయ్యర్ 2 ఉన్నారు.