స్టార్ క్రికెటర్లంటే అభిమానం ఎలా ఉంటుందో చెప్పాల్సిన అవసరం లేదు. మాములుగా అయితే వీరిని చూసే అవకాశం వస్తుంది కానీ వీరిని కలిసే అవకాశం దాదాపుగా అభిమానులకి ఉండదు. అయితే కొంతమంది డై హార్డ్ ఫ్యాన్స్ తమ ఫ్యాన్ ని ఎలాగైనా కలవాలని ఉద్దేశ్యంతో అత్యుత్సాహం ప్రదర్శిస్తారు. ముందు వెనక చూసుకోకుండా ఏమి ఆలోచించకుండా తమకి ఇష్టమైన క్రికెటర్ ని చూసి తమ కళను నెరవేర్చుకుంటారు. కానీ మరికొందరు మాత్రం ఏళ్ళు తరబడి ఎదురు చూస్తూ ఉంటారు. అలాంటి అవకాశమే శ్రీలంక ఫ్యాన్ గర్ల్ కి వచ్చింది.
14 ఏళ్ళ నిరీక్షణకు తెర
విరాట్ కోహ్లీ ఫాలోయింగ్ గురించి అందరికి తెలిసిందే. ప్రపంచ వ్యాప్తంగా ఎంతోమంది అభిమానులని సంపాదించుకున్న కోహ్లీ తాజాగా శ్రీలంకలో ఒక లేడీ ఫ్యాన్ ని కలుసుకున్నాడు. విరాట్ తనని కలవడంతో ఎంతో సంతోషపడిన ఆ మహిళ ఆనందానికి అవధులు లేకుండా పోయింది. కోహ్లీతో మాట్లాడుతూ.. "నేను మీతో మాట్లాడాలని 14 ఏళ్లుగా ఎదురు చూస్తున్నాను. ఈ రోజు నా కల నెరవేరింది". అంటూ తెగ సంతోషపడిపోయిది. ఈ సందర్భంగా తానే స్వయంగా వేసిన కోహ్లీ పెయింటింగ్ ని గిఫ్ట్ గా ఇచ్చింది. దీనికి కోహ్లీ ఆ ఫ్యాన్ కి ధన్యావాదాలు తెలిపాడు.
ప్రస్తుతం దీనికి సంబంధించిన వీడియో సోషల్ మీడియాలో వైరల్ గా మారుతుంది.ఇది చూసిన విరాట్ ఫ్యాన్స్ సంబరాలు చేసుకుంటున్నారు. కాగా.. ప్రస్తుతం కోహ్లీ శ్రీలంకలో ఉంటున్నాడు. ఈ ఆదివారం ఆసియా కప్ ఫైనల్ ఆడేందుకు సిద్ధమవుతున్నాడు. అయితే అంతకంటే ముందు రేపు బంగ్లాదేశ్ మీద సూపర్-4 మ్యాచ్ ఆడాల్సి ఉంది
Virat Kohli Recieved A Hand Made Portrait Of Himself From A Fangirl At The Team Hotel in Colombo, Sri Lanka.?♥️#ViratKohli #AsiaCup2023 @imVkohli @TajSamudra pic.twitter.com/oAwJPoJ1oN
— virat_kohli_18_club (@KohliSensation) September 13, 2023
