టీమిండియా స్టార్ క్రికెటర్ విరాట్ కోహ్లీ డ్రింక్స్ బాయ్ అవతారం ఎత్తాడు. 2023 జూలై 29 శనివారం వెస్టిండీస్‌ తో జరిగిన మ్యాచ్ లో చాహల్ తో కలసి గ్రౌండ్ లోకి వెళ్లి ప్లేయర్స్ కు డ్రింక్స్ తీసుకెళ్లాడు. క్రీజులో ఉన్న శార్దూల్‌ ఠాకూర్‌, కుల్‌దీప్‌ యాదవ్‌లకు వీళ్లిద్దరూ డ్రింక్స్ అందించారు. ప్రస్తుతం దీనికి సంబంధించిన వీడియో సోషల్ మీడియాలో వైరల్ గా మారింది.
దీంతో కోహ్లీ సింప్లిసిటీకి హ్యాట్సాఫ్ అంటూ క్రికెట్ అభిమానులు కామెంట్స్ చేస్తున్నారు. కోహ్లీ డ్రింక్స్ బాయ్ అవతారం ఎత్తడం ఇదేం మొదటిసారి కాదు. 2017లో ధర్మశాలలో ఆస్ట్రేలియాతో జరిగిన టెస్టు మ్యాచ్ లో కూడా డ్రింక్స్ సర్వ్ చేశాడు కోహ్లీ. కాగా వెస్టిండిస్ తో జరిగిన రెండో వన్డేలో కెప్టెన్ రోహిత్, కోహ్లీలకు మేనేజ్‌‌‌‌‌‌‌‌‌‌‌‌‌‌‌‌మెంట్‌ రెస్ట్ ఇచ్చారు. హార్దిక్ పాండ్యా కెప్టెన్గా వ్యవహరించాడు.
వెస్టిండీస్‌ తో తొలి వన్డేలో చిన్న టార్గెట్‌‌‌‌‌‌‌‌‌‌‌‌‌‌‌‌ను ఛేదించడానికే నానా ఇబ్బందులుపడిన టీమిండియా బ్యాటర్లు.. రెండో వన్డేలో ఘోరంగా తేలిపోయారు. రెండో వన్డేలో టీమ్‌ఇండియాపై కరీబియన్‌ జట్టు 6 వికెట్ల తేడాతో విజయం సాధించింది. దీంతో మూడు వన్డేల సిరీస్‌ 1-1తో సమం అయింది. తొలుత విండీస్‌ బౌలర్ల ధాటికి టీమ్‌ఇండియా 181 పరుగులకే ఆలౌటైంది. 182 పరుగుల లక్ష్యాన్ని వెస్టిండీస్‌ జట్టు 36.4 ఓవర్లలో 4 వికెట్లు కోల్పోయి ఛేదించింది.
