బ్రహ్మాజీ లీడ్‌ రోల్‌‌లో రూపొందిన చిత్రం ‘బాపు’. ఆమని, బలగం సుధాకర్ రెడ్డి, ధన్య బాలకృష్ణ, అవసరాల శ్రీనివాస్ ఇతర ముఖ్యపాత్రలు పోషించారు. దయ దర్శకత్వంలో రాజు, సిహెచ్ భాను ప్రసాద్ రెడ్డి నిర్మించారు. ఫిబ్రవరి 21న సినిమా రిలీజ్. మంగళవారం టీజర్ లాంచ్ ఈవెంట్‌‌ను నిర్వహించారు. గెస్ట్‌‌గా హాజరైన హీరో విశ్వక్‌‌సేన్ మాట్లాడుతూ ‘ఇలాంటి ఇండిపెండెంట్ సినిమా సక్సెస్ అయితేనే మేకర్స్‌‌కు ఉత్సాహం వస్తుంది. కొత్త వాళ్లకు కూడా ధైర్యం వస్తుంది. నిజాయితీగా తీసిన సినిమా ఇది. టీజర్ చాలా బాగుంది.
మంచి విజయం సాధించాలని కోరుతున్నా’ అని ఆల్ ద బెస్ట్ చెప్పాడు. బ్రహ్మాజీ మాట్లాడుతూ ‘ఇదొక డిఫరెంట్ స్టోరీ. నా క్యారెక్టర్ రొటీన్‌‌కు భిన్నంగా ఉంటుంది. ఎమోషన్స్‌‌తో పాటు డార్క్ కామెడీ ఆకట్టుకుంటుంది’ అని చెప్పాడు. ఈ సినిమాకు కథే హీరో అని ఆమని అన్నారు. ఒక కుటుంబ సమస్యతో చాలా గొప్పగా సినిమా తీశారని చెప్పారు సుధాకర్ రెడ్డి. సోషల్ సెటైర్‌‌‌‌తో కూడిన ఫ్యామిలీ స్టోరీ ఇదని చెప్పాడు దర్శకుడు దయ. నిర్మాత మధుర శ్రీధర్, సంగీత దర్శకుడు ధ్రువన్, నటులు మణి ఎగుర్ల, అభిత పాల్గొన్నారు.
