అధికారంలో ఉన్న సీఎం కేసీఆర్ సర్కార్ అవినీతిలో కూరుకుపోయిందని మాజీ ఎంపీ, బీజేపీ జాతీయ కార్యవర్గ సభ్యుడు వివేక్ వెంకటస్వామి ఆరోపించారు. పెద్దపల్లి జిల్లా గోదావరిఖనిలోని రాంనగర్లో జూన్22న బీజేపీ ఆధ్వర్యంలో మహాజన్ సంపర్క్ అభియాన్ కార్యక్రమాన్ని నిర్వహించారు. ఈ కార్యక్రమానికి వివేక్తో పాటు, మాజీ ఎమ్మెల్యే సోమారపు సత్యనారాయణ, బీజేపీ జిల్లా అధ్యక్షుడు రావుల రాజేందర్ తదితరులు పాల్గొన్నారు.
అనంతరం వివేక్ మాట్లాడుతూ.. రాష్ట్రాన్ని రూ.60 వేల కోట్ల అప్పుల నుంచి రూ.6 లక్షల కోట్ల అప్పులకు బీఆర్ఎస్ సర్కార్ తీసుకెళ్లిందని విమర్శించారు. వ్యవసాయానికి 1000 టీఎంసీల నీళ్లు ఇస్తామని హామీ ఇచ్చి కనీసం ఇప్పటివరకు 100 టీఎంసీలూ ఇవ్వలేదని అన్నారు. ఎన్నికల హామీల్లో ఏ ఒక్కటీ నెరవేర్చలేదని విమర్శించారు. కేంద్రంలోని మోదీ ప్రభుత్వం రైతులకు ప్రతి ఎకరానికి రూ.18 వేల సబ్సిడీని వివిధ రూపాలలో అందిస్తున్నట్లు చెప్పారు.
కొమురంభీం జిల్లాలోని కాగజ్నగర్లో బీజేపీ చేపట్టిన గడపగడపకు బీజేపీ కార్యక్రమంలో కేంద్ర మంత్రి పురుషోత్తం రూపాల పాల్గొన్నారు. ప్రజలకు కేంద్రం అందిస్తున్న సంక్షేమ పథకాలను వివరించారు.
