- ఇక్కడ రైతులు చనిపోతే కనీసం పరామర్శించలేదు
- ఇతర రాష్ట్రాలకు వెళ్లి పరిహారం ఇవ్వడం సిగ్గుచేటు
మంచిర్యాల : రాష్ట్రంలో ఉన్నది రైతు ప్రభుత్వం కాదని, కాంట్రాక్టర్ల సర్కారని బీజేపీ జాతీయ కార్యవర్గ సభ్యుడు, పెద్దపల్లి మాజీ ఎంపీ వివేక్ వెంకటస్వామి ఫైరయ్యారు. రాష్ట్ర సంపదను కేసీఆర్ ఆంధ్రా కాంట్రాక్టర్లకు దోచిపెడుతున్నాడని విమర్శించారు. రూ.30 వేల కోట్లతో పూర్తయ్యే ప్రాణహిత ప్రాజెక్టును కాళేశ్వరం పేరుతో రీ డిజైనింగ్చేసి రూ.లక్ష కోట్లు ఖర్చు చేశాడని, అందులో రూ.50వేల కోట్లు దోచుకున్నాడని ఆరోపించారు. వడ్ల కొనుగోళ్లలో జాప్యం, దోపిడీకి నిరసనగా బీజేపీ మంచిర్యాల జిల్లా అధ్యక్షుడు వెరబెల్లి రఘునాథ్రావు ఆధ్వర్యంలో ఆదివారం లక్సెట్టిపేటలోని ఉత్కూర్ చౌరస్తాలో 'రైతు గోస – బీజేపీ పోరు దీక్ష' నిర్వహించారు. ఈ కార్యక్రమానికి ముఖ్య అతిథిగా హాజరైన వివేక్వెంకటస్వామి మాట్లాడుతూ.. వడ్లు కొనాల్సిన బాధ్యత రాష్ట్రాలదేనని, ఎన్ని బియ్యం ఇచ్చినా తీసుకునేందుకు కేంద్రం సిద్ధంగా ఉందని అన్నారు. రైతులను కేసీఆర్ తప్పుదోవ పట్టిస్తున్నారన్నారు. 40 కిలోల బస్తాకు 4 కిలోలు తరుగు తీస్తున్నారని, మిల్లర్లు, లీడర్లు కుమ్మక్కై రైతులను దోచుకుంటున్నారని మండిపడ్డారు. రైతులకు ఫ్రీగా ఎరువులు ఇస్తానని కేసీఆర్ మోసం చేస్తే.. ప్రధాని నరేంద్రమోడీ ఎరువులపై ఎకరాకు రూ.10 వేల వరకు సబ్సిడీ ఇస్తున్నారని చెప్పారు. ఫసల్ బీమా యోజనను రాష్ట్రంలో అమలు చేయకపోవడంతో పంట నష్టపోయిన రైతులు పరిహారం అందడం లేదన్నారు.
క్వింటాల్కు 8 కిలోల వడ్లు దోచుకుంటున్నరు
కొనుగోలు కేంద్రాల్లో క్వింటాల్కు ఏడెనిమిది కిలోల వడ్లు కోత పెడుతున్నారని బీజేపీ జిల్లా అధ్యక్షుడు వెరబెల్లి రఘునాథ్రావు అన్నారు. ఈ దోపిడీ బయటపడుతుందనే రైతులకు రశీదులు ఇవ్వడం లేదన్నారు.
కేసీఆర్వి పిచ్చి నిర్ణయాలు
రాష్ట్రంలో రైతులు ఆత్మహత్య చేసుకుంటే కనీసం పరామర్శించని కేసీఆర్.. ఇతర రాష్ట్రాల్లో రైతు కుటుంబాలను పరామర్శించడానికి వెళ్లడం సిగ్గుచేటని వివేక్ అన్నారు. టీఆర్ఎస్ గ్రాఫ్ పడిపోయిందని, ఆ ఒత్తిడిలో కేసీఆర్ పిచ్చి నిర్ణయాలు తీసుకుంటున్నాడన్నారు. తమ వైఫల్యాలను కప్పిపుచ్చుకోవడానికే జాతీయ రాజకీయాలంటూ కొత్త పాట ఎత్తుకున్నాడని విమర్శించారు.
మరిన్ని వార్తల కోసం : -
రాష్ట్ర సర్కార్ తీరుతో దివాలా దిశగా సింగరేణి..
రాష్ట్రం వచ్చే నాటికి రూ.3,500 కోట్ల బ్యాంక్ బ్యాలెన్స్
