చెన్నూరు నియోజకవర్గం.. బైబై కేసీఆర్.. బైబై బాల్కసుమన్... జైజై కాంగ్రెస్.. అనే నినాదాలతో మారు మ్రోగింది. ప్రత్యేక రాష్ట్రం ఏర్పాటు అనంతరం నీళ్ళు నిధులు నియామకాల పేరుతో ప్రజలను మోసము చేసిన కేసీఆర్ ప్రభుత్వాన్ని తరిమి వేయాల్సిన సమయం ఆసన్నమైందని మాజీ ఎంపి చెన్నూరు నియోజకవర్గ కాంగ్రెస్ అభ్యర్థి వివేక్ వెంకటస్వామి అన్నారు. మంగళవారం ( నవంబర్ 28) కాంగ్రెస్ నాయకులు కార్యకర్తలు చెన్నూరులో రోడ్ షో నిర్వహించారు. ఈ ర్యాలీలో తీన్మార్ మల్లన్న, కాంగ్రెస్ అభ్యర్థి వివేక్ వెంకటస్వామి , మాజీ ఎమ్మెల్యే నల్లాల ఓదెలు పాల్గొన్నారు.
తెలంగాణ ప్రజలకు ఎన్నో వాగ్ధానాలు చేసి అధికారంలోకి వచ్చినకేసీఆర్ ప్రజలను మోసం చేశారని వివేక్ వెంకటస్వామి అన్నారు. చెన్నూరు ప్రజలను బాల్కసుమన్ దోచుకున్నాడని వివేక్ వెంకటస్వామి ఆవేదన వ్యక్తం చేశారు. తన తండ్రి వెంకటస్వామి హయాంలో సింగరేణి సంస్థ ఏర్పాటు స్థానికులకు ఉద్యోగాలు వచ్చేలా కృషి చేశారన్నారు. బాల్క సుమన్ హయాలంలో కొత్త ఉద్యోగాలు రాకపోగా.. ఉన్న ఉద్యోగాలు ఊడే పరిస్థితి వచ్చిందన్నారు.
వివేక్ వెంకటస్వామి ప్రసంగంలోని హైలైట్స్
- కేసీఆర్ కాళేశ్వరం పేరుతో లక్షల కోట్లు దోచుకున్నారు
- ధరణి పోర్టల్ తో కేటీఆర్ రంగారెడ్డి జిల్లాలో భూ దోపిడి చేశారు
- కేసీఆర్ కుటుంబం.. బాల్క సుమన్ తో కలిసి.. చెన్నూరు నియోజకవర్గంలో మిషన్ భగీరథలో 80 వేల కోట్లు దోచుకున్నారు
- కేసీఆర్ పాస్పోర్ట్ దొంగ.. కేసీఆర్, బాల్క సుమన్ ను జైలుకు పంపిస్తాం
- బంగారు తెలంగాణ కాలేదు కాని.. కల్వకుంట్ల కుటుంబం మాత్రం బంగారు కుటుంబంగా మారింది
- కేసీఆర్ ను బొందపెట్టాల్సిన టైం వచ్చింది
- ఇసుక దందాలతో బాల్కసుమన్కోట్లకు పడగలెత్తారు
- నా తండ్రి గారు సింగరేణి సంస్థను తీసుకొచ్చారు
- చెన్నూరు నియోజకవర్గంలో ఉద్యోగ కల్పనకు స్కిల్ డెవలప్ మెంట్ సెంటర్లు ఏర్పాటు చేయిస్తా
- చెన్నూరుకు ఇచ్చిన గ్యారంటీలను అమలు చేస్తా
- చెన్నూరు నియోజకవర్గాన్ని అభివృద్ది చేస్తా
