సింగరేణి కార్మికుల సంక్షేమానికి బీజేపీ కృషి చేస్తోందని మాజీ ఎంపీ, బీజేపీ కార్యవర్గ సభ్యుడు వివేక్ వెంకటస్వామి పేర్కొన్నారు.పెద్దపల్లి జిల్లా గోదావరిఖని 11వ బొగ్గు గనిపై బీజేపీ ఆధ్వర్యంలో ఆగస్టు 17న మీటింగ్ నిర్వహించారు.
ఈ కార్యక్రమానికి చీఫ్ గెస్ట్గా హాజరైన వివేక్ మాట్లాడుతూ.. సింగరేణి నష్టాల్లో ఉన్నప్పుడు గడ్డం వెంకటస్వామి(కాకా) ఎన్టీపీసీ ద్వారా రుణం తీసుకుని సంస్థ మూలాల్ని బలపరిచినట్లు గుర్తు చేశారు. బీజేపీ కి రాష్ట్రంలో అవకాశం ఇస్తే కార్మికుల ఇన్కం ట్యాక్స్ మినహాయింపు కోసం చర్యలు చేపడతామని వెల్లడించారు.
ప్రధాని మోదీ నాయకత్వంలో దేశం అభివృద్ధి పథంలో సాగుతోందని స్పష్టం చేశారు. సింగరేణి ప్రైవేటీకరణ చేస్తున్నారని బీజేపీపై బీఆర్ఎస్ నేతలు అసత్య ఆరోపణలు చేస్తున్నారని అన్నారు. అంతకుముందు సుందిళ్ల లక్ష్మీ నరసింహ స్వామి దేవాలయంలో వివేక్ ప్రత్యేక పూజలు జరిపించారు. కార్యక్రమంలో మాజీ ఎమ్మెల్యే సోమారపు సత్యనారాయణ, తదితరులు పాల్గొన్నారు.
