న్యూఢిల్లీ : ప్రభుత్వ యాజమాన్యంలోని రాష్ట్రీయ ఇస్పాత్ నిగమ్ లిమిటెడ్ (ఆర్ఐఎన్ఎల్)/వైజాగ్స్టీల్లో ప్రభుత్వం దాదాపు రూ. 1,650 కోట్లు పెట్టుబడి పెట్టింది. ఈ ఏడాది సెప్టెంబర్ 19న ఈక్విటీ రూపంలో రూ. 500 కోట్లు, సెప్టెంబర్ 27న రూ. 1,140 కోట్ల వర్కింగ్ క్యాపిటల్ లోన్‌‌‌‌‌‌‌‌ను అందించింది. తీవ్రమైన ఆర్థిక ఇబ్బందుల్లో ఉన్న ఆర్ఐఎన్ఎల్ పరిస్థితిపై స్టేట్ బ్యాంక్ ఆఫ్ ఇండియా పూర్తి అనుబంధ సంస్థ అయిన ఎస్బీఐక్యాప్స్ ఒక నివేదికను సిద్ధం చేస్తోందని కూడా మంత్రిత్వశాఖ పేర్కొంది.
ఉక్కు మంత్రిత్వ శాఖ ఆధ్వర్యంలోని ఆర్ఐఎన్ఎల్కు ఆంధ్రప్రదేశ్‌‌‌‌‌‌‌‌లోని విశాఖపట్నంలో 7.5 మిలియన్ టన్నుల ప్లాంట్‌ ఉంది. సంస్థ తీవ్రమైన ఆర్థిక, కార్యాచరణ సమస్యలను ఎదుర్కొంటున్న విషయం తెలిసిందే.
