హుజూరాబాద్, వెలుగు: బీఆర్ఎస్, బీజేపీ ప్రభుత్వాలు దొందు దొందేనని, హామీలను నెరవేర్చడంలో కేంద్ర, రాష్ట్ర ప్రభుత్వాలు ఫెయిలయ్యాయని హుజూరాబాద్ కాంగ్రెస్ అభ్యర్థి వొడితల ప్రణవ్ విమర్శించారు. శనివారం హుజూరాబాద్ మండలంలో ఎన్నికల ప్రచారం నిర్వహించారు.
ఆయన మాట్లాడుతూ కాంగ్రెస్ అధికారంలోకి వచ్చాక గ్యారంటీలను పక్కాగా అమలుచేస్తామన్నారు. తనను గెలిపిస్తే నియోజకవర్గంలో డిజిటల్ లైబ్రరీలతోపాటు స్టడీ సెంటర్లను ఏర్పాటు చేస్తామన్నారు. ఈ సందర్భంగా రాంపూర్ గ్రామంలో వివిధ పార్టీలకు చెందిన లీడర్లు బండారి సదానందం, రామచంద్రం, రాజేందర్, సురేందర్‌, ఎల్లయ్య, కరుణ, కవిత రమేశ్‌, స్వరూప చొక్కారెడ్డి కాంగ్రెస్‌‌‌‌లో చేరారు.
