ఎవరైనా ఫోన్ చేస్తే వెంటనే కాల్ లిఫ్ట్ చేయడం కొన్నిసార్లు కుదరకపోవచ్చు. కానీ, ఏమాత్రం డిలే కాకుండా వెంటనే అవతలి వాళ్లకు రిప్లయ్ ఇచ్చేలా చాట్బాట్లాంటి ఫీచర్ ఏదైనా ఉంటే భలే ఉంటుంది కదూ! ఇలా ఆలోచించే వాళ్ల కోసమే ఆండ్రాయిడ్12 యూజర్లకు కాల్ స్క్రీనింగ్ ఫీచర్ అందుబాటులోకి తీసుకురావాలని గూగుల్ ఆలోచిస్తోంది. ఆర్టిఫిషియల్ ఇంటెలిజెన్స్ సాయంతో పనిచేసే ఇది కాలర్కు స్మార్ట్ రిప్లయ్ ఇవ్వడానికి వీలు కల్పిస్తుంది.
దీన్ని ఎనేబుల్ చేసుకుంటే యూజర్లు కాల్ను పికప్ చేసుకోవాల్సిన అవసరం ఉండదు. ఎంచుకున్న ఆడియో రిప్లయ్లతో గూగుల్ అసిస్టెంట్ అవతలివాళ్లకు ఆన్సర్ ఇస్తుంది. ఇందుకోసం గూగుల్ అసిస్టెంట్కు ముందుగానే ఎవరు, ఎందుకు కాల్ చేస్తున్నారో చెప్పాల్సి ఉంటుంది.
వివరంగా చెప్పాలంటే.. ఎవరైనా అపాయింట్మెంట్ కోసం కాల్ చేస్తుంటే.. అప్పుడు యూజర్ అప్పటికే సజెస్ట్ చేసిన కన్ఫర్మ్ లేదా క్యాన్సిల్ అని రిప్లయ్ ఇస్తుంది. కొత్త కాల్ స్క్రీనింగ్ ఫీచర్ దీన్ని మరింత ఈజీ చేయనుంది. ఇది కాల్ చేసేవాళ్ల అవసరాలను బట్టి ఏఐ సాయంతో తగిన రిప్లయ్ ఇస్తుంది.
