- నేడే అవిశ్వాస తీర్మానంపై ఓటింగ్
- క్యాంపు నుంచి హైదరాబాద్ చేరుకున్న డైరెక్టర్లు
- అమెరికా నుంచి వచ్చిన వైస్చైర్మన్ ఏసిరెడ్డి
- 15 మందికి చేరిన 'కుంభం' బలం
- ఇద్దరు తోడైతే అవిశ్వాసం వీడిపోతుందని చైర్మన్ ధీమా
నల్గొండ, వెలుగు : డీసీసీబీ చైర్మన్ గొంగిడి మహేందర్రెడ్డిపై పెట్టినఅవిశ్వాస తీర్మానంపై ఓటింగ్ కొద్దిగంటల్లో జరగనుంది. శుక్రవారం ఉదయం 11 గంటలకు డీసీసీబీ ఆఫీసులో ఓటింగ్ నిర్వహించేందుకు అధికారులు ఏర్పాట్లు చేశారు. 18 రోజుల నుంచి క్యాంపులో ఉన్న 14 మంది డైరెక్టర్లు గురువారం ఉదయం గోవా నుంచి హైదరాబాద్చేరుకున్నారు. అమెరికా పర్యటనలో ఉన్న వైస్చైర్మన్ఏసిరెడ్డి దయాకర్రెడ్డి సైతం హైదరాబాద్కు చేరుకున్నారు. వీరంతా శుక్రవారం ఉదయం క్యాంపు నుంచి నేరుగా డీసీసీబీ కార్యాలయానికి చేరుకుంటారు.
ఏసిరెడ్డి రాకతో చైర్మన్కు వ్యతిరేకంగా అవిశ్వాసం తీర్మానం పెట్టిన డైరెక్టర్ల సంఖ్య 15కు చేరింది. మొత్తం 19 మంది డైరెక్టర్లలో 14 మంది సంతకాలు చేయగా, వైస్చైర్మన్అమెరికాలో ఉన్నందున కుదరలేదు. అవిశ్వాసంపై ఓటింగ్నెగ్గేందుకు కో–ఆపరేటివ్రూల్స్ ప్రకారం మొత్తం డైరెక్టర్లలో 2/3 వంతు మంది ఉండాలి. ఈ లెక్కన 14 మంది డైరెక్టర్లు ఉంటే సరిపోతుంది.
కానీ 15 మంది వన్సైడ్అయ్యారు. చైర్మన్పక్షాన ముగ్గురు డైరెక్టర్లు మాత్రమే మిగిలారు. మరో ఇద్దరు డైరెక్టర్లు చైర్మన్శిబిరంలో చేరితే అవిశ్వాసం వీగిపోతుంది. అవిశ్వాసం ఓటింగ్జరిగే సమయానికి కచ్చితంగా ఇద్దరు డైరెక్టర్లు తనవైపు వస్తారని ధీమా వ్యక్తం చేస్తున్నారు. నాలుగేళ్ల పాలనలో ఏ ఒక్కరికీ అన్యాయం చేయలేదని, చివరకు చైర్మన్ రేసులో ఉన్న కుంభం శ్రీనివాస్రెడ్డి సైతం తనతో సన్నిహితంగా మెలిగారని చైర్మన్ చెబుతున్నారు. రూ.900 కోట్ల నుంచి రూ.2,400 కోట్లకు డీసీసీబీ లావాదేవీలు పెరిగాయని, ఇందులో డైరెక్టర్ల సహకారం కూడా ఉందన్నారు. జాతీయ స్థాయిలో అవార్డు కూడా దక్కిందని చైర్మన్మహేందర్ రెడ్డి గురువారం మీడియాకు తెలిపారు.
18 రోజులపాటు ఎడతెగని సస్పెన్స్..
క్యాంపు రాజకీయాలు మొదలు పెట్టగానే మహేందర్రెడ్డి తనకు తానుగానే చైర్మన్పదవికి రాజీనామా చేస్తారని ప్రత్యర్థి శిబిరం భావించింది. కానీ, ఏమాత్రం ఆయన వెనక్కి తగ్గలేదు. నిజానికి తనపైనే అవిశ్వాసం పెడ్తారని ముందుగానే తెలిసినప్పటికీ మహేందర్రెడ్డి డైరెక్టర్లను కాపాడుకోలేకపోయారు. టెస్కాబ్ వైస్చైర్మన్పదవికి రాజీనామా చేసినట్టుగానే డీసీసీబీకి కూడా రిజైన్చేస్తారని అనుకున్నారు.
కానీ రెండు వర్గాలు 18 రోజులపాటు ఎడతెగని సస్పెన్స్కొనసాగించారు. ఎవరికి వారే ఎత్తుకు పైఎత్తులు వేశారు. చివరకు చైర్మన్ప్రధాన అనుచరుడు రాంచందర్సైతం ప్రత్యర్థి శిబిరంలో చేరడం షాక్కు గురిచేసింది. 40 ఏండ్ల సుదీర్ఘ రాజకీయ అనుభవం కలిగిన మహేందర్రెడ్డి చివరి నిమిషం వరకు వెనక్కి తగ్గకపోగా, చైర్మన్రేసులో ఉన్న కుంభం శ్రీనివాస్ రెడ్డి సైతం పంతం వీడడం లేదు.
