హైదరాబాద్, వెలుగు: అమెరికాలో పెట్టుబడుల కోసం జారీ చేసే ఈబీ-5 (ఎంప్లాయ్డ్ బేస్డ్ 5) గురించి వీఎస్పీ క్యాపిటల్ స్టార్టప్ ఇంక్యుబేటర్ టీ–హబ్లో సెమినార్ నిర్వహించింది. వీసా హోల్డర్లు 20 మిలియన్ డాలర్ల విలువైన రియల్ ఎస్టేట్ ప్రాజెక్ట్, లగ్జరీ రెసిడెన్షియల్ ప్రాపర్టీస్, కమర్షియల్ రియల్ ఎస్టేట్ వంటి మార్కెట్లలో ఇన్వెస్ట్ చేసి గ్రీన్కార్డు పొందవచ్చని తెలిపింది. ఈ వీసాతో పెట్టుబడిదారులు, వారి కుటుంబాలు వీఎస్పీ ప్రాజెక్టులో భాగం కావచ్చు. దాదాపు రూ.ఏడు కోట్లు ఇన్వెస్ట్ చేస్తే ఈబీ5 వీసా పొందవచ్చని వీఎస్పీ క్యాపిటల్ చైర్మన్ విక్రమ్ సాగర్ పసాలా చెప్పారు.
ప్యారడైజ్ బిర్యానీ చెయిన్ రెస్టారెంట్ మాజీ యజమాని డాక్టర్ ఖాజిమ్సహా పలువురు ఈబీ5 ద్వారా అమెరికాలో ఇన్వెస్ట్ చేసి స్థిరపడ్డారని వివరించారు. అటార్నీ అబ్దుల్ ఈ సందర్భంగా వీసాపై ఇన్వెస్టర్లు అడిగిన ప్రశ్నలకు జవాబు ఇచ్చారు. అమెరికాలోని డౌన్‌‌టౌన్, సబర్బన్ ప్రాంతాలు మొదలైన వాటిలోని రియల్టీ, గ్రీన్ఎనర్జీ, మైనింగ్ సెక్టార్లలో కూడా ఇన్వెస్ట్ చేయొచ్చని విక్రమ్వివరించారు.
