వరుణ్ తేజ్ హీరోగా మేర్లపాక గాంధీ దర్శకత్వంలో ఓ చిత్రం తెరకెక్కనున్న విషయం తెలిసిందే. యూవీ క్రియేషన్స్, ఫస్ట్ ఫ్రేమ్ ఎంటర్‌‌‌‌టైన్‌‌‌‌మెంట్ సంస్థలు కలిసి నిర్మిస్తున్నాయి. ఇండో కొరియన్ హారర్ కామెడీ జానర్‌‌‌‌లో రూపొందే ఈ మూవీ ప్రీ ప్రొడక్షన్ వర్క్స్‌ వియత్నాంలో శరవేగంగా జరుగుతున్నాయి. హీరో వరుణ్ తేజ్, దర్శకుడు మేర్లపాక గాంధీ‌‌‌‌తో పాటు నిర్మాతలు అక్కడి అద్భుతమైన లొకేషన్స్‌‌‌‌ను చూస్తున్నారు.
మరోవైపు స్క్రిప్ట్ వర్క్ కూడా స్పీడ్‌‌‌‌గా జరుగుతోంది. అన్ని కార్యక్రమాలను పూర్తిచేసుకుని మార్చి ఫస్ట్ వీక్‌‌‌‌లో రెగ్యులర్‌ షూటింగ్ ప్రారంభించడానికి ప్లాన్ చేస్తున్నారు. వరుణ్ తేజ్ కెరీర్‌‌‌‌‌‌‌‌లో ఇది 15వ చిత్రం. తమన్ సంగీతం అందిస్తున్నాడు. యూనిక్ స్టోరీ లైన్‌‌‌‌తో రూపొందే ఈ మూవీకి తమన్ సంగీతం అందిస్తున్నాడు. నటీనటులు, ఇతర సాంకేతిక నిపుణుల వివరాలను త్వరలో వెల్లడించనున్నారు.
