ఆర్ట్.. జనాన్ని ఆలోచింపజేస్తుందనటంలో డౌటే లేదు. గ్యాలరీల్లోని ఆర్ట్ వర్క్తో పోల్చితే ఓపెన్ ఆర్టే మోస్ట్ పవర్ఫుల్ అని క్రియేటివ్ పీపుల్ అంటున్నారు. నాలుగ్గోడల మధ్య చూపించే పెయింటింగ్స్ కన్నా పబ్లిక్ ప్లేసుల్లో గోడలపై గీసిన, నేరుగా కనిపిస్తున్న బొమ్మలనైతే ఎక్కువ మంది చూస్తారని చెబుతున్నారు. ప్రజల్లోకి సోషల్ మెసేజ్ని సింపుల్గా పంపటానికి ఇదే బెస్ట్ ఆప్షన్ అని వివరిస్తున్నారు. ఢిల్లీలోని వందల కాలనీల్లో ఒకటైన లోధీ కాలనీని వండర్ఫుల్ ‘లోధీ ఆర్ట్ డిస్ట్రిక్ట్’లా మార్చిన ఓ సంస్థ.. పాట్నాలోనూ అదే ప్రయత్నం చేస్తోంది.
దేశ రాజధాని ఢిల్లీలో వందల కాలనీలు ఉన్నాయి. వాటిలో సౌత్ ఢిల్లీలోని లోధీ కాలనీ సమ్థింగ్ స్పెషల్. ‘ఇండియాలోనే తొలి ఓపెన్ ఎయిర్ ఆర్ట్ డిస్ట్రిక్ట్’లా పేరొందింది. వివిధ దేశాలకు చెందిన 14 మంది ఆర్టిస్టులు ఈ కాలనీలో 12 చోట్ల పెద్ద బిల్డింగ్ల గోడలను అందమైన కాన్వాస్లా మలచుకొని అద్భుతమైన పెయింటింగ్లు వేశారు. వాటిలో ప్రతిదీ ‘వావ్..’ అనిపిస్తుంది. ఖన్నా మార్కెట్, మెహెర్చంద్ మార్కెట్ల మధ్య వచ్చే పోయే దారిలో ఈ బ్రిలియెంట్ ఆర్ట్ వర్క్ ఉంది. అటుగా వెళ్లిన ప్రతిఒక్కరూ ఆ బొమ్మలను చూసి స్టన్ అవటం ఖాయం.
ఆ ఆర్ట్ వర్క్ గొప్పతనాన్ని డైరెక్ట్గా చూస్తే తప్ప మాటలతో, ఫొటోలతో వర్ణించలేం. ఒక్కో పెయింటింగ్కీ ఒక్కో డిఫరెంట్ కాన్సెప్ట్. ప్రతి బొమ్మకీ ప్రకృతే ఇన్స్పిరేషన్. ‘పర్యావరణాన్ని కాపాడుకోవటం ప్రతిఒక్కరి బాధ్యత’ అని చెప్పటమే ఆ క్రియేటివ్ వర్క్ వెనక ఉన్న ఉద్దేశం. వీటికితోడు ఆ ప్రదేశంలోని అణువణువునూ క్లీన్ అండ్ గ్రీన్గా మార్చారు.
ఢిల్లీ నుంచి పాట్నా వరకు..
ఢిల్లీలో నాలుగేళ్ల క్రితం రెండు గోడల మీద బొమ్మలేయటంతో మొదలైన స్ట్రీట్ ఆర్ట్ సంస్థ జర్నీ 2019లో 22 గోడలకు చేరింది. ఈ ప్రాజెక్టు పాపులారిటీ దేశ రాజధాని ఢిల్లీ నుంచి బీహార్ రాజధాని పాట్నా వరకు చేరింది. ప్రజల ఆలోచనను పర్యావరణ పరిరక్షణ వైపుకు తిప్పటానికి ఇదే సరైన మార్గమని భావించిన పాట్నా ఆఫీసర్లు అనుకున్నదే తడవుగా రంగంలోకి దిగారు. స్ట్రీట్+ఆర్ట్ సంస్థను సంప్రదించి ఓపెన్ ఎయిర్ ఆర్ట్ ప్రాజెక్టును తమ సిటీలోనూ చేపట్టాలని కోరారు. దీంతో ఐదుగురు ఆర్టిస్టులు ఆ నగరంలో వాలిపోయి పని మొదలుపెట్టారు.
ఈ గ్రూపులో ఇండియా, అర్జెంటీనా ఆర్టిస్టులు ఉన్నారు. వాళ్లు మూడు వారాల పాటు కష్టపడి పాట్నాలోని ఫేమస్ బెయిలీ రోడ్డులో ఉన్న విద్యుత్ భవన్ నాలుగు గోడలపై బ్రహ్మాండమైన బొమ్మలు గీశారు. అవి ఆ దారిలో రాక పోకలు సాగించేవారిని విపరీతంగా ఆకట్టుకుంటున్నాయి. పెయింటింగ్లు ఒక్కొక్కటి దాదాపు 70 అడుగుల ఎత్తు ఉన్నాయి. ఈ కలర్ఫుల్ జెయింట్ ఆర్ట్ వర్క్ని స్థానికులు ముద్దుగా చూస్తూ ముచ్చటించుకుంటున్నారు. సల్వార్ కమీజ్ వేసుకొని, చేతిలో పక్షిని పట్టుకొని, ప్రశాంతంగా చూస్తున్న ఓ అమ్మాయి, బ్యాక్డ్రాప్లో చెట్టు, ఉదయిస్తున్న సూరీడు, అమ్మాయి పక్కన జింక, చుట్టూ పచ్చదనం.. ఈ ఆర్ట్ వర్క్ చాలా సహజంగా, చక్కగా ఉంది.
కలిసి జీవించాలనేదే కాన్సెప్ట్
ఈ పెయింటింగ్కి వెనక పోర్షన్లో.. ఒక అబ్బాయి, అతని చేతిలో ఒక మొక్క, చుట్టూ గ్రీనరీ, పూలు, జంతువులు.. అచ్చం అటవీ వాతావరణాన్ని కళ్లకు కట్టినట్లు చూపిస్తున్న బొమ్మ కూడా ‘భలే..’ అనిపిస్తుంది. ఈ రెండు నేచురల్ ఆర్ట్ వర్క్లూ మనుషులను ప్రకృతితో కలిసి జీవించమనే సందేశాన్ని ఇస్తున్నట్లు ఉన్నాయని వాటిని చూసినవారు అనుకుంటున్నారు. మొక్కలను, జంతువులను కూడా మనుషుల్లాగే భావించాలని చెప్పటమే ఈ పెయింటింగ్ల కాన్సెప్ట్ అని ఆర్టిస్టులు వివరిస్తున్నారు.
పాట్నా సిటీ కల్చర్ని, అక్కడి ప్రజల లైఫ్స్టైల్ని చూడటానికి షార్ట్ టూర్లో భాగంగా వచ్చిన అర్జెంటీనా జంట.. నగరంలో తాము గమనించిన అంశాలనే ఈ వాల్ ఆర్ట్ రూపంలో వర్ణించామన్నారు. పెయింటింగ్స్లో కనిపించే అమ్మాయి, అబ్బాయి క్యారెక్టర్లను రియల్గా చూశామని, ఎన్విరాన్మెంట్ పట్ల వాళ్లకు ఉన్న కమిట్మెంట్కి ఇన్స్పైరై ఈ బొమ్మలు గీశామని చెప్పారు. ఈ ఆర్ట్ వర్క్కి వాడుతున్న రంగులను ‘ఏషియన్ పెయింట్స్’వాళ్లు ఇస్తున్నారని ప్రాజెక్ట్ మేనేజర్ రితేశ్ శర్మ తెలిపారు.
‘స్వచ్ఛ భారత్’ లక్ష్యంగా
సిటీ పైన, అక్కడ నివసించేవారి పైన ఆర్ట్ పాజిటివ్ ప్రభావాన్ని చూపించగలదు. ప్రజలకు ఎన్విరాన్మెంట్పై మరింత అవగాహన కల్పించే కెపాసిటీ పెయింటింగ్లకు ఉంది. దేశంలోనే మొట్టమొదటి పబ్లిక్ ఆర్ట్ డిస్ట్రిక్ట్కి రూపకల్పన చేయటం ద్వారా జనాన్ని స్వచ్ఛ భారత్ మిషన్ వైపునకు సక్సెస్ఫుల్గా నడిపించాలని భావించాం. ఈ దిశగా గవర్నమెంట్తో కలిసి మరిన్ని ప్రాజెక్టులు చేపట్టాలనుకుంటున్నాం. మా సంస్థ ఢిల్లీలో అమేజింగ్ స్ట్రీట్ ఆర్ట్ ఫెస్టివల్ కూడా నిర్వహిస్తోంది. ఈ కార్యక్రమం రెండు నెలల పాటు కొనసాగుతుంది.
– అర్జున్ బహ్ల్,
‘స్ట్రీట్+ఆర్ట్’ కో–ఫౌండర్,
ఆర్ట్ ఫెస్టివల్ డైరెక్టర్
