మేడిపల్లి, వెలుగు: మేడ్చల్ జిల్లా పీర్జాదిగూడలో మాజీ మంత్రి మల్లారెడ్డి, టీపీసీసీ ఉపాధ్యక్షుడు వజ్రేశ్ యాదవ్, వారి వర్గీయుల మధ్య తోపులాట జరిగింది. పీర్జాదిగూడ మున్సిపల్ కార్పొరేషన్లోని 3, 11వ డివిజన్లలో పలు అభివృద్ధి పనులకు బుధవారం శంకుస్థాపన చేశారు.
ఆయా కార్యక్రమాల్లో మేడ్చల్ బీఆర్ఎస్ ఎమ్మెల్యే మల్లారెడ్డి, కాంగ్రెస్ కంటెస్టడ్ క్యాండిడేట్ తోటకూర వజ్రేశ్ యాదవ్ హాజరయ్యారు. ఈ క్రమంలో ప్రోటోకాల్ విషయమై ఇరువర్గాల మధ్య గొడవ జరిగింది. నాయకులు సైతం కాసేపు వాగ్వాదానికి దిగారు. అనంతరం సఖ్యతతో గొడవ సద్దుమనిగింది. మేయర్ అమర్ సింగ్, డిప్యూటీ మేయర్ కుర్ర శివకుమార్ గౌడ్, కాంగ్రెస్
కార్పొరేటర్లు పాల్గొన్నారు.
