కాశీబుగ్గ(కార్పొరేషన్), వెలుగు: వరద ముంపు నివారణకు పటిష్ట చర్యలు చేపట్టాలని బల్దియా కమిషనర్ అశ్విని తానాజీ వాకడే బల్దియా శానిటేషన్, ఇంజనీరింగ్ ఆఫీసర్లను ఆదేశించారు. మంగళవారం హన్మకొండలోని పలు లోతట్టు ప్రాంతాల్లో కమిషనర్ పర్యటించారు. ఈ సందర్భంగా ఆమె మాట్లాడుతూ భారీవర్షాలు కురిసే క్రమంలో ఇంజనీరింగ్, శానిటేషన్ సిబ్బంది అప్రమత్తంగా ఉంటూ సమిష్టితో పని చేసి నీరు నిల్వ ఉండకుండా చర్యలు చేపట్టాలని సూచించారు. కార్యక్రమంలో ఎస్ఈ కృష్ణ రావు, సీఎంహెచ్వో డాక్టర్ రాజేశ్, డిప్యూటీ కమిషనర్లు రవీందర్, కృష్ణారెడ్డి తదితరలున్నారు.
