లోక్‌సభ ఎన్నికల్లో పోటీ చేసే మరో ఇద్దరు బీఆర్ఎస్ అభ్యర్థుల పేర్లను ఆ పార్టీ చీఫ్ కేసీఆర్ ప్రకటించారు. చేవెళ్ల నుంచి కాసాని జ్ఞానేశ్వర్, వరంగల్ నుంచి డాక్టర్ కడియం కావ్య పేర్లను వెల్లడించారు. వాస్తవానికి వరంగల్ నుంచి మాజీ ఎమ్మెల్యే ఆరూరి రమేష్ పేరును కేసీఆర్ ప్రతిపాదించారు. కానీ పోటీ చేయడానికి ఆయన ఇంట్రెస్ట్ చూపించలేదు.
ఆయనను ఒప్పించేందుకు పార్టీ లీడర్లు ప్రయత్నం చేసినప్పటికీ నో అనే చెప్పారు. దీంతో కడియం కావ్య పేరును కేసీఆర్ ఫైనల్ చేశారు. ఇక చేవెళ్ల నుంచి మరోసారి పోటీ చేయడానికి సిట్టింగ్ ఎంపీ రజింత్ రెడ్డి ఆసక్తి చూపించకపోవడంతో కాసాని జ్ఞానేశ్వర్ ను బరిలో దించారు కేసీఆర్. గతేడాది అసెంబ్లీ ఎన్నికల టైమ్ లో టీడీపీని వీడి బీఆర్ఎస్ లో చేరారు కాసాని.
