![వరంగల్ సూపర్ స్పెషాలిటీ ఆస్పత్రిలో తప్పిన ప్రమాదం](https://static.v6velugu.com/uploads/2023/01/Warangal-Kakatiya-Super-Speciality-Hospital-Incident_xFjMzdZnaw.jpg)
వరంగల్ లోని కాకతీయ సూపర్ స్పెషాలిటీ ప్రభుత్వ ఆస్పత్రిలో తృటిలో పెను ప్రమాదం తప్పింది. ఆస్పత్రి ఐదవ అంతస్థులో సీలింగ్, ఏసీ పరికరాలు ఒక్కసారిగా ఊడిపడ్డాయి. దీంతో రోగులు, ఆస్పత్రి సిబ్బంది ఉలిక్కిపడ్డారు. పిడియాట్రిక్ వార్డు ముందు ఈ ప్రమాదం చోటుచేసుకుంది. అయితే ఆ సమయంలో అక్కడ ఎవరూ లేక పోవడంతో పెను ప్రమాదం తప్పింది. నిర్మాణంలో నాణ్యత లోపం వల్లే ప్రమాదం జరిగిందని పలవురు ఆరోపిస్తున్నారు. ప్రమాదానికి గల కారణాలు తెలియాల్సివుంది.