చదువుకొని బాగుపడండ్రా అంటే ఆహా.. మాకెందుకీ చదువులు. ఎవడికి కావాలి.. ఎంత చదివి ఏం లాభం..కావాల్సింది రెస్పెక్ట్.. రెస్పెక్ట్ కావాలని గొడవలకు దిగారు. రెండు వర్గాలుగా విడిపోయి తన్నుకున్నారు. ఈ ఘటన వరంగల్ కాకతీయ యూనివర్సిటీలో చోటుచేసుకుంది.
అసలేం జరిగిందంటే..?
ఎమ్మెస్సీ ఫస్ట్ ఇయర్ విద్యార్థులు తమకు రెస్పెక్ట్ ఇవ్వట్లేదని సెకండ్ ఇయర్ విద్యార్థులు మధ్యాహ్న లంచ్ సమయంలో వారిని కాస్త గట్టిగా హెచ్చరించారు. దాంతో, ఈ గొడవ మొదలైంది. జూనియర్లు అంతా ఒక్కటై సీనియర్లపైకి గొడవకు వెళ్లారు. దాంతో, కాంటీన్ పరిసరాలు రణరంగాన్ని తలపించాయి. అన్నం తినే ప్లాట్లతోనే ఒకరిపై మరొకరు దాడులకు దిగారు. ఈ ఘటనలో ముగ్గురు విద్యార్థులకు స్వల్ప గాయాలయ్యాయి.
సమాచారం అందుకున్న పోలీసులు హుటాహుటీన యూనివర్సిటీకి చేరుకొని ఇరు వర్గాలను శాంతిపజేశారు. జరిగిన గొడవపై విచారణ చేపట్టి.. కొందరు విద్యార్థులను అదుపులోకి తీసుకున్నట్లు తెలుస్తోంది.
