ముప్పారం కస్తూర్బా హాస్టల్లో ఘటన
వరంగల్ సిటీ, వెలుగు: వరంగల్ అర్బన్జిల్లా ధర్మసాగర్ మండలం ముప్పారంలోని కస్తూర్బా హాస్టల్లో ఫుడ్ పాయిజనింగ్తో 52 మంది స్టూడెంట్లు అనారోగ్యానికి గురయ్యారు. ట్రీట్మెంట్ కోసం వారిని శుక్రవారం ఉదయం ధర్మసాగర్ పీహెచ్ సీకి అక్కడి నుంచి ఎంజీఎం హాస్పిటల్కు తరలించారు. స్టూడెంట్లు తెలిపిన వివరాల ప్రకారం… ముప్పారం హాస్టల్ లో 250 మంది చదువుతున్నారు. రోజులాగే గురువారం సాయంత్రం భోజనాలు చేసి పడుకున్నారు. అర్ధరాత్రి దాటిన తర్వాత వారిలో కొందరికి కడుపునొప్పి రావడం, వాంతులు, విరేచనాలు కావడంతో విషయాన్ని వార్డెన్ స్వాతికి తెలిపారు. ఆమె డాక్టర్కు సమాచారం అందించింది. పొద్దున్నే డాక్టర్ వచ్చి స్టూడెంట్లకు పరీక్షలు నిర్వహించి ఫుడ్పాయిజన్అయినట్లుగా గుర్తించారు. వెంటనే 33 మందిని 108లో ఎంజీఎంకు తరలించారు. 16 మందిని ధర్మసాగర్ పీహెచ్ సీలో చేర్చారు. వారిలో 12 మంది స్టూడెంట్ల పరిస్థితి బాగాలేకపోవడంతో వారిని కూడా ఎంజీఎంకు తరలించారు. ముగ్గురు స్టూడెంట్లకు హాస్టల్లోనే ట్రీట్ మెంట్ ఇచ్చారు. విషయం తెలియడంతో జేసీ దయానంద్, ఆర్ఎంవో హరీశ్రాజ్, డీఎంహెచ్ వో లలితాదేవి హాస్పిటల్కు వెళ్లి పరిస్థితిని సమీక్షించారు. స్టేషన్ ఘన్పూర్ ఎమ్మెల్యే రాజయ్య ఎంజీఎంకు వచ్చి స్టూడెంట్లకు పరీక్షలు నిర్వహించారు. గురువారం స్టూడెంట్లు తిన్న భోజనాన్ని టెస్టుకు పంపించారు.
