- వరంగల్ ఎంపీ కడియం కావ్య
ధర్మసాగర్(వేలేరు), వెలుగు: రాష్ర్ట ప్రభుత్వం విద్యా బోధనలోనూ, వసతుల కల్పనలో కార్పొరేట్ కు దీటుగా కేజీబీవీ పాఠశాలలను నిర్వహిస్తుందని వరంగల్ఎంపీ కడియం కావ్య అన్నారు. శుక్రవారం వేలేరు మండలం గోళ్ల కిష్టంపల్లిలో రూ.3.25 కోట్లతో నిర్మించనున్న కేజీబీవీ బాలికల జూనియర్ కళాశాల నూతన భవన నిర్మాణానికి ఎంపీ, స్టేషన్ఘన్పూర్ఎమ్మెల్యే కడియం శ్రీహరితో కలిసి శంకుస్థాపన చేశారు.
ఈ సందర్భంగా వారు మాట్లాడుతూ రాష్ట్రంలో విద్యాభివృద్ధికి కాంగ్రెస్ ప్రభుత్వం పెద్దపీట వేస్తున్నదన్నారు. అనంతరం ఎంపీ విద్యార్థినులతో ముచ్చటించారు. అనంతరం హనుమకొండ జిల్లా వేలేరు, ధర్మసాగర్ మండలాల్లోని 19 గ్రామాలకు చెందిన కల్యాణలక్ష్మి, షాదీముబారక్లబ్ధిదారులకు 62,07,192 విలువగల 62 చెక్కులను, సీఎంఆర్ఎఫ్ చెక్కులను పంపిణీ చేశారు. కార్యక్రమంలో ఆర్డీవో రాథోడ్రమేశ్, తహసీల్దార్లు సదానందం, కొమి, ఎంపీడీవోలు అనిల్ కుమార్, లక్ష్మీ ప్రసన్న తదితరులు పాల్గొన్నారు.
