- వరంగల్ సీపీ అంబర్ కిశోర్ ఝా
హనుమకొండ, వెలుగు : ఇయర్ఎండ్, న్యూ ఇయర్సెలబ్రేషన్స్ను డిసెంబర్ 31 రాత్రి 12.30 గంటల లోపే ముగించాలని వరంగల్ పోలీస్ కమిషనర్ అంబర్ కిశోర్ ఝా ప్రజలకు సూచించారు. కమిషనరేట్వ్యాప్తంగా లా అండ్ఆర్డర్, ట్రాఫిక్, టాస్క్ఫోర్స్, క్రైమ్స్, షీ టీమ్స్సిబ్బందితో విస్తృతంగా పెట్రోలింగ్చేస్తామని, ఎక్కడికక్కడ డ్రంక్అండ్డ్రైవ్టెస్టులు నిర్వహిస్తామని స్పష్టం చేశారు.
న్యూ ఇయర్సెలబ్రేషన్స్ను ప్రజలంతా కుటుంబ సభ్యులతో కలిసి సంతోషంగా జరుపుకోవాలని, ఎలాంటి అవాంఛనీయ ఘటనలు చోటుచేసుకోకుండా ప్రశాంతమైన వాతావరణంలో నిర్వహించుకోవాలని ఆకాంక్షించారు. ఈ మేరకు సీపీ న్యూ ఇయర్ వేడుకలపై ఆంక్షలు విధించడంతో పాటు ప్రజలకు పలు సూచనలు చేస్తూ సోమవారం ఒక ప్రకటన విడుదల చేశారు. సెలబ్రేషన్స్పేరున ప్రజలను ఇబ్బందులకు గురి చేస్తే ఊరుకునేది లేదని స్పష్టం చేశారు.
డిసెంబర్
31 సందర్భంగా నిర్వహించే సాంస్కృతిక కార్యక్రమాలు, ఇతర ఈవెంట్లకు పోలీసుల నుంచి తప్పనిసరిగా పర్మిషన్ తీసుకోవాలని సూచించారు. ఈవెంట్లలో అశ్లీల నృత్యాలు చేస్తే సీరియస్ యాక్షన్ తీసుకుంటామని స్పష్టం చేశారు. ఈవెంట్ల నిర్వహణ ప్రదేశంలో సీసీ కెమెరాలు ఏర్పాటు చేసుకోవాలని, సెక్యూరిటీ సిబ్బందిని కూడా నియమించుకోవాలన్నారు.
సెలబ్రేషన్స్ జరుపుకొనే సమయంలో ట్రాఫిక్ సమస్యలు, చుట్టుపక్కల ఇండ్ల వారికి ఇబ్బందులు తలెత్తకుండా తగిన జాగ్రత్తలు తీసుకోవాలన్నారు. పోలీసుల ఆంక్షలను ఎవరైనా అతిక్రమిస్తే వెంటనే స్థానికులు 'డయల్ 100'కు కాల్ చేయాలని ప్రజలకు సూచించారు.
