- పోలీస్‍ స్పోర్ట్స్మీట్ ప్రారంభం
వరంగల్, వెలుగు: క్రీడల్లో గెలుపోటములు ముఖ్యం కాదని.. క్రీడాకారుల ప్రతిభ ఏంటో చూడాలని వరంగల్ పోలీస్‍ కమిషనర్‍ అంబర్‍ కిషోర్‍ ఝా అన్నారు. హనుమకొండ జవహర్‍లాల్‍ నెహ్రూ స్టేడియంలో శుక్రవారం నిర్వహించిన వరంగల్ పోలీస్‍ కమిషనరేట్‍ మూడో స్పోర్ట్స్ అండ్‍ గేమ్స్మీట్కు సీపీ చీఫ్గెస్ట్గా హాజరై క్రీడాజ్యోతిని వెలిగించి ప్రారంభించారు.
.సీపీ మాట్లాడుతూ.. విధి నిర్వహణల్లో ఎంతో ఒత్తిడి ఉన్నా క్రీడల్లో రాణిస్తున్న పోలీసులు ఇతర క్రీడాకారులకు స్ఫూర్తిగా నిలవాలన్నారు. పోటీల్లో పాల్గొనడం ద్వారా ఫిట్నెస్ పెరగడంతో పాటు మానసిక ఒత్తిడిని అధిగమించవచ్చన్నారు. కార్యక్రమంలో డీసీపీలు రవీందర్‍, రాజమహేంద్ర నాయక్‍, అడిషనల్‍ డీసీపీలు రవి, సురేష్‍ కుమార్‍, జనగామ ఏఎస్పీ పండరీ చేతన్‍, ఏసీపీలు, సీఐలు, సిబ్బంది పాల్గొన్నారు. మూడు రోజులపాటు సాగే ఈ పోటీల్లో 3 జోన్ల పరిధిలోని 12 జట్లు వివిధ అంశాల్లో పోటీ పడుతున్నాయి.
