ఆర్మూర్, వెలుగు: లోవోల్టేజీ సమస్య లేకుండా సబ్ స్టేషన్ ల ద్వారా నిరంతర విద్యుత్ అందించాలని వరంగల్ ట్రాన్స్ కో సీజీఎం, నోడల్ ఆఫీసర్ బి.అశోక్ అన్నారు. బుధవారం ఆర్మూర్, కమ్మర్ పల్లి, నాగాపూర్ లోని సబ్ స్టేషన్ లను ఆయన పరిశీలించి సబ్ స్టేషన్ ల ద్వారా అందిస్తున్న విద్యుత్ సరఫరాపై ఆరా తీశారు. వ్యవసాయ వినియోగదారులకు అదనపు బ్రేకర్, లైన్లో కంట్రోల్ ఏబీ స్విచ్లు ఏర్పాటు చేయాలని సూచించారు. విద్యుత్ సిబ్బంది ఫీల్డ్ లెవల్ లో అందుబాటులో ఉండాలని, నిరంతరం విద్యుత్ అంతరాయం లేకుండా చూడాలని సూచించారు. ట్రాన్స్ కో ఎస్ఈ రవీందర్, ఆర్మూర్ డీఈ హరిచంద్, ఏడీ శ్రీధర్, ఏఈలు బాలరాజు, మనీషా, ఆశ్రిత సిబ్బంది పాల్గొన్నారు.
నిరంతరాయంగా కరెంట్ సరఫరా చేయాలి
లింగంపేట: విద్యుత్ సిబ్బంది స్థానికంగా ఉంటూ వినియోగదారులకు నిరంతరాయంగా కరెంట్ను సరఫరా చేయాలని జిల్లా ట్రాన్స్ కో ఎస్ఈ రమేశ్ బాబు సూచించారు. లింగంపేట మండలంలోని పోతాయిపల్లి, లింగంపేట లోని 33/11కేవీ సబ్స్టేషన్లను బుధవారం ఆయన ఆకస్మికంగా తనిఖీ చేశారు. సబ్స్టేషన్‌లలో ఏర్పాటు చేసిన ట్రాన్స్ ఫార్మర్‌‌లను పరిశీలించారు. వినియోగదారులకు నాణ్యమైన కరెంట్ను అందించాలని, ఏవైనా సాంకేతిక సమస్యలు వస్తే వాటిని వెంటనే పరిష్కరించాలని చెప్పారు.
