- ఇద్దరికి తీవ్ర గాయాలు
- పేలుడు ధాటికి ఊడిపోయిన తలుపులు
- పగిలిపోయిన కారు అద్దాలు
కామారెడ్డి, వెలుగు: జిల్లా కేంద్రంలోని ఎన్జీవోస్కాలనీలో శుక్రవారం రాత్రి ఓ ఇంట్లో వాషింగ్మెషీన్పేలి భార్యభర్తలు తీవ్రంగా గాయపడ్డారు. 75 ఏండ్ల రాజూరి బాలయ్య, ఇతడి భార్య 69 ఏండ్ల బాలలక్ష్మి కొత్త బస్టాండ్వెనకాల ఉన్న కాలనీలో ఉంటున్నారు. శుక్రవారం రాత్రి హాల్పక్కన ఉన్న వాషింగ్మెషీన్లో బట్టలు వేసి హాల్ లో నిలబడ్డారు. ఒక్కసారిగా వాషింగ్మెషీన్ పేలడంతో మంటలంటుకుని ఇద్దరూ తీవ్రంగా గాయపడ్డారు. వీరిని కామారెడ్డి గవర్నమెంట్హాస్పిటల్కు తరలించారు. పేలుడు తీవ్రతకు తలుపులు కూడా ధ్వంసమయ్యాయి. ఇంటి ముందు పార్క్ చేసిన ఓ కారు అద్దాలు పగిలిపోయాయి. షార్ట్సర్క్యూట్ తో కంప్రెషర్పేలి ఉంటుందని అనుమానిస్తున్నారు.
