భద్రాద్రి కొత్తగూడెం, వెలుగు: క్యారెట్లు తిన్నరని స్టూడెంట్స్ను వాచ్ ఉమెన్ తిట్టి.. కొట్టిన ఘటన భద్రాద్రి జిల్లా కొత్తగూడెం టౌన్లోని సోషల్ వెల్ఫేర్ బాలికల హాస్టల్లో జరిగింది. దీంతో ఆదివారం ఇంటెలిజెన్స్అధికారులు ఘటనపై వివరాలు సేకరించడంతో స్థానికంగా చర్చనీయాంశమైంది. వివరాల్లోకి వెళ్తే.. శనివారం నైట్డ్యూటీలో భాగంగా లేడీ వాచ్ఉమెన్ బయట నుంచి ఆటోలో హాస్టల్కు వచ్చారు. ఆమె తన చేతిలోని క్యారెట్, ఇతర వస్తువుల సంచిని స్టూడెంట్స్కు ఇచ్చి రూమ్లో పెట్టమని చెప్పారు. అనంతరం స్టూడెంట్స్ రూమ్లో పెట్టి వెళ్లిపోయారు.
కొంత సేపటికి వాచ్ఉమెన్వచ్చి క్యారెట్లను ఎందుకు తిన్నారని స్టూడెంట్స్ను ప్రశ్నించారు. తాము తినలేదని, రూమ్లో పెట్టి వచ్చామని చెప్పినా వినకుండా బండ బూతులు తిట్టడంతో పాటు కొట్టడడంతో బాధిత స్టూడెంట్స్తమ పేరెంట్స్కు సమాచారం అందించారు. కొందరు పేరెంట్స్ అదే రోజు రాత్రి వెళ్లి ఆందోళన చేయగా హాస్టల్వద్ద కొంత ఉద్రిక్తత నెలకొంది. పోలీసులు సర్ది చెప్పడంతో విరమించారు. కాగా.. హాస్టల్లో వార్డెన్ సరిగా అందుబాటులో ఉండరని, మరో హాస్టల్కు కూడా ఇచ్ చార్జిగా ఉండడంతో తక్కువ టైమ్ హాస్టల్లో స్పెండ్ చేస్తున్నట్టు స్టూడెంట్స్, వర్కర్స్పేర్కొంటున్నారు.
వార్డెన్ పర్యవేక్షణ సరిగా లేకపోవడంతోనే స్టూడెంట్స్ఇష్టానుసారంగా బయటకు వెళ్లి వస్తుంటారనే ఆరోపణలు ఉన్నాయి. మెనూ సక్రమంగా పాటించరని స్టూడెంట్స్తెలిపారు. స్టూడెంట్స్ను వాచ్ఉమెన్కొట్టడంపై జిల్లా షెడ్యూల్కులాల అభివృద్ది శాఖాధికారి అనసూర్య వివరణ కోరగా.. స్టూడెంట్స్ను ఎవరైనా కొడతారా..? ఎదురు ప్రశ్నించారు. వాచ్ ఉమెన్ కొట్టారని విద్యార్థులు చెప్తున్నారని అడిగితే.. అలాంటిదేమీ లేదని విచారించి కలెక్టర్కు నివేదిక ఇస్తానని చెప్పారు.
