హాలియా, వెలుగు : శ్రీశైలం డ్యాం నుంచి వరద పెరిగిన నేపథ్యంలో నాగార్జునసాగర్ ప్రాజెక్టు 590 అడుగుల (312.50 టీఎంసీ)లతో గరిష్ట స్థాయి నీటిమట్టానికి చేరుకుంది. దీంతో గురువారం సాయంత్రం డ్యాం అధికారులు నాగార్జునసాగర్ ప్రాజెక్ట్ ఆరు క్రస్టు గేట్లను 5 ఫీట్ల మేరకు ఎత్తి 48,600 క్యూసెక్కుల వరద నీటిని దిగువకు విడుదల చేశారు. ఎగువ నుంచి నాగార్జునసాగర్ కు 95,578 క్యూసెక్కుల వరద వస్తుండగా, అంతే మొత్తాన్ని దిగువకు వదులుతున్నారు.
590 అడుగుల నీటి మట్టం..
నాగార్జునసాగర్ ప్రాజెక్టు కెపాసిటీ 590 అడుగులు (312.50 టీఎంసీలు) కాగా, ప్రస్తుతం 590 అడుగుల గరిష్ట స్థాయి నీటిమట్టానికి చేరింది. సాగర్‌ నుంచి కుడి కాల్వ ద్వారా 7,528 క్యూసెక్కులు, ఎడమ కాల్వ ద్వారా 7,518 క్యూసెక్కులు, విద్యుత్ఉత్పత్తి కోసం 29,232 క్యూసెక్కులు, ఎస్‌‌ఎల్‌‌బీసీ ద్వారా 1,800 క్యూసెక్కులు నీటిని దిగువకు విడుదల చేశారు.
