హైదరాబాద్ సిటీ, వెలుగు: మెట్రోవాటర్బోర్డుకు చెందిన స్థలాల్లో సొంతంగా ‘సోలార్ ఎనర్జీ’ ని ఉత్పత్తి చేసేందుకు రంగం సిద్ధమైంది. మొదటి దశలో వాటర్బోర్డుకు చెందిన నాలుగు ప్రాంతాల్లోని 290 ఎకరాల్లో గ్రౌండ్మౌంటెడ్సోలార్పవర్ప్లాంట్లను ఏర్పాటు చేయాలని నిర్ణయించారు. ఈమేరకు తెలంగాణ రెన్యువబుల్ఎనర్జీ డెవలప్మెంట్కార్పొరేషన్( టి రెడ్కో)తో కలిసి వాటర్బోర్డు యాక్షన్ప్లాన్ సిద్ధం చేసింది.
బోర్డుకు నగరంలోని పలు ప్రాంతాల్లో ఖాళీ స్థలాలు, రిజర్వాయర్ల ప్రాంగణాలు, ఎస్టీపీల ప్రాంగణాలు, డిస్ట్రిబ్యూషన్సెంటర్లతో పాటు గోదావరి, కృష్ణా ప్రాజెక్టుల ప్రాంతాల్లో ఖాళీ భూములున్నాయి. వీటిలో సోలార్ప్లాంట్లను ఏర్పాటుచేసి కరెంట్ఉత్పత్తి చేసుకోవాలని ఇదివరకే నిర్ణయించింది. సంవత్సరం పొడవునా సోలార్పవర్తో బోర్డు విద్యుత్ అవసరాలు కొంతవరకైనా తీరతాయని ఉన్నతాధికారులు భావిస్తున్నారు. ఈ ప్లాంట్లకు సంబంధించి పనులను చేయడానికి అర్హత గల ఏజెన్సీల నుంచి తెలంగాణ రెడ్కో టెండర్లను ఆహ్వానించింది. సదరు ఏజెన్సీలు ఆయా ప్రాంతాల్లో సర్వే చేసి డీపీఆర్తయారు చేస్తాయి.
అందుకే... సొంతంగా ..
ప్రస్తుతం వాటర్బోర్డు..కృష్ణా మూడు దశల్లోనూ, గోదావరి ప్రాజెక్టు, సింగూరు, మంజీరా వంటి జలాశయాల నుంచి నగరానికి నీటిని పంపింగ్ద్వారా తీసుకువస్తోంది. వాటర్ట్రీట్మెంట్ప్లాంట్లు, సీవరేజీ ట్రీట్మెంట్ప్లాంట్లు, నగరంలోని వివిధ ప్రాంతాలకు నీటిని సరఫరా చేసేందుకు డిస్ట్రిబ్యూషన్కోసం పెద్దమొత్తంలో విద్యుత్ వినియోగిస్తోంది. రాబోయే రోజుల్లో మరికొన్ని కీలక ప్రాజెక్టులు కూడా రాబోతున్నాయి. దీంతో విద్యుత్ వినియోగం గణనీయంగా పెరగబోతోంది. ఈ నేపథ్యంలో సొంతంగా సోలార్ప్లాంట్ల ద్వారా విద్యుత్ఉత్పత్తి చేయడానికి వాటర్బోర్డు...రెడ్కోతో కలిసి పని చేస్తోంది.
ఆ నాలుగు చోట్ల..
సోలార్ ప్లాంట్లను వాటర్బోర్డుకు సంబంధించి ఖాళీ స్థలాల్లోనే ఏర్పాటు చేయనున్నారు. బోర్డుకు గోదావరి ప్రాజెక్టుకు చెందిన ముర్మూర్పంప్హౌస్, పెద్దపల్లిలో బోర్డు సబ్స్టేషన్లో 60 ఎకరాలు, మల్లారం పంప్హౌస్ఉన్న సిద్ధిపేటలోని చిన్న కోడూరు వద్ద 80 ఎకరాలు, కొండపాక సబ్స్టేషన్వద్ద 100 ఎకరాలు, మెదక్జిల్లాలోని పటాన్చెరు సమీపంలోని పెద్దాపూర్సబ్స్టేషన్వద్ద 50 ఎకరాలు ఉన్నాయి. ఈ స్థలాల్లో మొదటిదశలో గ్రౌండ్మౌంటెడ్సోలార్పవర్ప్లాంట్నిర్మించేందుకు వాటర్బోర్డు ప్రణాళికలు రూపొందించింది. ఈ పనులను రెడ్కో ఆధ్వర్యంలో నిర్వహించనున్నారు. ఈ ప్లాంట్ద్వారా 80 మెగావాట్ల విద్యుత్ఉత్పత్తి చేయనున్నారు.
