9, 1, 2, 1, 0, 1, 1, 1, 2, 3.. ఇదేదో మొబైల్ నెంబర్ అనుకుంటున్నారా! అయితే మీరు పొరబడినట్లే. ఒక మ్యాచ్ లో బ్యాటర్లు చేసిన పరుగులివి. చూశారుగా మొబైల్ నెంబర్ లా పలకడానికి ఎంత బాగుందో.. ఏ ఒక్కరికీ రెండెంకల స్కోర్ చేయాలన్న ఆలోచన కూడా రాలేదంటే నమ్మండి.. అంత దారుణంగా ఆడారు. పోరాడితే.. ప్రత్యర్థి జట్టు బౌలర్లు ఎక్కడ అలసిపోతారో అనుకున్నారో ఏమో వీళ్లే త్వరగా ఔటై విజయాన్ని అప్పగించారు.
మహిళల బిగ్ బాష్ లీగ్ 2023లో భాగంగా శనివారం అడిలైడ్ స్ట్రైకర్స్ ఉమెన్, మెల్ బోర్న్ స్టార్స్ ఉమెన్ జట్ల మధ్య మ్యాచ్ జరిగింది. ఈ మ్యాచ్ లో తొలుత బ్యాటింగ్ చేసిన అడిలైడ్ జట్టు నిర్ణీత 20 ఓవర్లలో 3 వికెట్ల నష్టానికి 177 పరుగులు చేసింది. కేటీ మాక్(86), వాల్వార్డ్ట్(47),తహ్లియా మెక్‌గ్రాత్(34) పరుగులు చేశారు.
అనంతరం లక్ష్య చేధనకు దిగిన మెల్ బోర్న్ బ్యాటర్లు 29 పరుగులకే ఆలౌట్ అయ్యారు. పది ఓవర్లు కూడా పూర్తి కాకముందే( 9.3 ఓవర్లలో) వారి ఇన్నింగ్స్ ముగిసింది. అడిలైడ్ బ్యాటర్లు 25 బౌండరీలు చేస్తే.. వీరు ఒక్కటి కొట్టారు. వీరి పోరాటపటిమ చూసి తట్టుకోలేక ప్రేక్షకులు కూడా పవర్ ప్లే పూర్తవ్వకముందే వెళ్లిపోయారు. అంత దారుణంగా ఆడారు. మహిళల బిగ్ బాష్ లీగ్ లోనే ఇది అత్యల్ప స్కోరు.
9, 1, 2, 1, 0, 1, 1, 1, 2, 3, 3*
— Female Cricket (@imfemalecricket) October 21, 2023
Single digital scores by Melbourne Stars today.
Final score 29/10#CricketTwitter #WBBL | ?: Getty pic.twitter.com/JSNM5gaunv
10 wickets in 10 overs or less.
— Weber Women's Big Bash League (@WBBL) October 21, 2023
Insane efforts with the ball by the @strikersBBL ? #WBBL09 pic.twitter.com/WLclAHcYVL
A remarkable night at Karen Rolton Oval! #WBBL09 pic.twitter.com/8dPAGtrwsX
— cricket.com.au (@cricketcomau) October 21, 2023
