మెటా మే 2023 లేఆఫ్‌ను ప్రారంభించింది. మెటాలో ఎంటర్‌ప్రైజ్ ఇంజనీర్‌గా ఉన్న యూన్‌వాన్ కిమ్, తనకు తెల్లవారుజామున 4:30 గంటలకు లేఆఫ్ ఇమెయిల్ వచ్చిందని, తన పేరు కూడా అందులో ఉండవచ్చని భయపడి రాత్రంతా నిద్రపోలేదని చెప్పాడు.
మెటా కంపెనీలో తాజా తొలగింపులను ప్రారంభించింది. ఇది ఇన్స్ స్టాగ్రామ్ (Instagram) వంటి అన్ని ఇతర ప్లాట్‌ఫారమ్‌లను ప్రభావితం చేసింది. కంపెనీ వ్యయ తగ్గింపు చర్యలో భాగంగా దాదాపు 5వేల ఉద్యోగాల కోత జరిగిందని తొలగించిన ఉద్యోగులు పేర్కొంటున్నారు. మెటా(Meta)లో తొలగించబడిన ఉద్యోగి ఒకరు లింక్డ్‌ఇన్‌లో ఎలిమినేట్ కావడానికి 2 నెలలు వేచి ఉన్నారని, అతని ప్రయాణం మేలో ముగిసిందని రాశారు.
మెటాలో ఎంటర్‌ప్రైజ్ ఇంజనీర్‌గా ఉన్న యూన్‌వాన్ కిమ్, తనకు తెల్లవారుజామున 4:30 గంటలకు లేఆఫ్ ఇమెయిల్ వచ్చిందని, ఎలిమినేషన్ లిస్ట్‌లో తన పేరు కూడా ఉండవచ్చనే భయంతో రాత్రంతా నిద్రపోలేకపోయానని చెప్పారు. తొలగింపు పుకార్లపై తాను మొదట ఫిబ్రవరిలో విన్నానని, మార్చిలో మెటా ప్రకటించినప్పుడు ఇది అధికారికంగా మారిందని ఆయన పేర్కొన్నారు. అప్పటి నుంచి అతను Meta లేఆఫ్‌ల జాబితాలో ఎప్పుడైనా చేరే అవకాశం ఉందని భయపడ్డాడు.
“ఇది 2 నెలల సుదీర్ఘ నిరీక్షణ, నిన్న నేను నిద్ర కూడా పోలేకపోయాను. 5:00AM వరకు నా కార్యాలయ ఇమెయిల్‌ను ఓపెన్ చేయడానికి కూడా ధైర్యం చేయలేదు. కాబట్టి నేను నాకు పర్సనల్ గా ఏదైనా మెయిల్ వస్తుందేమోనని ఫోన్‌ లో చూస్తున్నాను. ఏదైనా మెయిల్ పంపబడుతుందని ఆశించాను. నాకు 4:30AM సమయంలో, నాకు పర్సనల్ ఇమెయిల్ వచ్చింది. నేను ఈ తొలగింపులో జాబితాలో ఉన్నాను”అని అతను లింక్డ్‌ఇన్‌ ద్వారా చెప్పుకొచ్చాడు. ఇలా ఇతడి ఒక్కడికే కాదు చాలా మంది ఇదే నిరుత్సాహం వ్యక్తం చేశారు.
కంపెనీలో ఒక సంవత్సరం నుంచి 8 సంవత్సరాల వరకు అనుభవం ఉన్న ఉద్యోగులకు, అనుభవం ఆధారంగా Metaలో తొలగింపులు జరగలేదు. గతంలో నివేదించినట్లుగా, ఉద్యోగాల కోతలు యాదృచ్ఛిక ప్రాతిపదికన ఉన్నాయి. ఖర్చును ఆదా చేయడానికి కంపెనీ శ్రామిక శక్తిని తగ్గిస్తోంది. సంస్థ CEO మార్క్ జుకర్‌బర్గ్ గతంలో ఉద్యోగుల తొలగింపు నిర్ణయం చాలా కష్టమని పేర్కొన్నారు. అయితే వివిధ కారణాల వల్ల కంపెనీ ఈ పనిని చేయాల్సి వస్తోందని చెప్పారు.
